හිටපු ජනාධිපති ගෝඨාභය රාජපක්ෂගේ පුටුවෙහි අසුන්ගත් තරුණයෙක් අත්අඩංගුවට ගැනීමට සමත්වූ බව පොලීසිය නිවේදනයක් නිකුත් කරමින් පවසයි.
ඒ අනුව සමන්පුරගම ප්රදේශයේ පදිංචි 28 හැවිරිදි මෙම පුද්ගලයාව දැරණියගල ප්රදේශයේදී අත්අඩංගුවට ගත් බව ශ්රී ලංකා පොලීසිය නිවේදනය කරනවා.
පොලිස් මාධ්ය කොට්ඨාශය නිවේදනය කරන්නේ 2022 ජූලි 09 වනදා කොටුව ජනාධිපති මන්දිරයට අයුතු ලෙස ඇතුළු වූ මෙම පුද්ගලයා ජනාධිපතිතුමා අසුන් ගන්නා පුටුවේ වාඩිවී ඡායාරූප ගත් ‘අපරාධකරුවෙක්’ බවයි.
පාස්කු ප්රහාරය, මහ බැංකු මංකොල්ලය, සීනි බදු වංචාව, ඖෂධ නියාමන අධිකාරියේ දත්ත මකා දැමීම වැනි මේ රටට විශාල බලපෑමක් කළ අපරාධවලට සම්බන්ධ අපරාධකරුවන් අල්ලා ගැනීමට උනන්දුවක් නොදක්වන පොලීසිය ජනාධිපතිගේ පුටුවේ ඉඳගත් පුද්ගලයෙකු අපාධකරුවෙකු ලෙස නම් කර තිබේ.
