ජන අරගලය විසින් බලයෙන් පහකරන ලද ගෝඨාභය රාජපක්ෂ ඇතුළු රාජපක්ෂ නඩයට එරෙහිව වංචා සහ දූෂණ චෝදනා දහසක් තිබියදී අරගලකරුවන් විසින් රජයේ දේපොලවලට හනිකල බව සඳහන් කරමින් ඒ සම්බන්ධ පරීක්ෂණ පවත්වන බව වාර්තා වේ. රාජපක්ෂලා පමණක් නොව රනිල් වික්‍රමසිංහ ද වංචාවන් සම්බන්ධ චෝදනා ලැබුවෙකි. එය සුළුපටු එකක් නොවේ. මහ බැංකු හොරකම යනු මෙතෙක් ලංකික ඉතිහාසයේ සිදුවූ විශාලතම වංචාවයි.
එසේ තිබියදී අරගලකරුවන් විසින් විනාශ කළ බව සඳහන් කරමින් ජනාධිපති මන්දිරය ඇතුළු කොළඹ නගරයේ අරගලකරුවන් විසින් අත්පත්කරගත් දේපොළවල විගණනයක් ආරම්භ කිරීමට රජයේ අවධානය යොමු වී ඇතැයි වාර්තා වේ. ඊයේ දිනයේ ඇතැම් මාධ්‍ය වාර්තා කරනු ලැබුවේ අපරාධ පරීක්ෂණ දෙපාර්තමේන්තුව විසින් ඇඟිලි සලකුණු ලබාගනිමින් සිටින බවයි.
ජනාධිපති මන්දිරය සහ අරලියගහ මන්දිරයේ පෞරාණික දේපළ රැසක් විනාශ වී ඇති බව රජය පවසයි. මෙම ක්‍රියාවන්ට සම්බන්ධ වූ පුද්ගලයන්ට එරෙහිව පුරාවිද්‍යා ආඥා පනත යටතේ නඩු පැවරීමටද අවශ්‍ය පියවර ගෙන ඇතැයි පුරාවිද්‍යා දෙපාර්තමේන්තුව තීරණය කර ඇතැයි පැවසේ.
එම විනාශයන් සම්බන්ධයෙන් දෙපාර්තමේන්තුවද පසුගියදා පරීක්ෂණයක් ආරම්භ කර ඇතැයි පැවසේ.
කෙස්වෙතත් ජනතාව පවසමින් සිටින්නේ මේ ආකාරයට කෝටි ගණනින් මහජන දේපොළ මංකොල්ල කෑම් තිබියදී ඒවා ගණනකට නොගෙන අරගලකරුවන් අතින් පොදු දේපොළ විනාශ වූ බව පැවසීම පිටුපස මර්දනය කැඳවීමේ අනතුරක් ඇති බවයි.
