ඔළුවට අත තියන් පොළවේ හිටගෙන
අහස දිහා බැලුවට වැඩක් නැහැ මචං
සොබාදහම ඔක්සිජන් දුන්නට,
නිදහස සොයා ගන්න වෙනවා.
මද නල සිසිලස අරන් ආවට,
ඉර පායා එන විට මුදුනට,
සෙවණක් සොයා නොගත්තොත් පිච්චෙනවා.
ඇස් වසාගෙන ලොකු ලොකු හීන බැලුවට
ඇස් අරින මොහොතේදී,
ජීවිතයට දුෂ්කරම දේ හමු වෙනවා.
තනි තනිව ගොඩ යන්න හිතුවාට
පේනවද එහෙම බැරි බව.
අදත් උඹ පෝලිමේ ලත වෙනවා.
තවත් ඉවසන්නේ කොහොමද ?
ඇස් ඇරල බැලුවා නම් වටපිට ,
උඹත් හෙට අරගලේ කොටස් කරුවෙක් වෙනවා….
