2005න් ඇරැඹි රාජපක්ෂ යුගයේ රාජ්‍ය දෘෂ්ටිවාදය අනෙකක් නොව ජාතිවාදය හා ආගම් වාදයයි.
2009 කූටප්‍රාප්තිය සටහන් වී, එහෙත් රාජ්‍ය බලය රැකගැනීම උදෙසා එතැනින් අවසානය සලකුණු කරන්නට ඉඩනොදී බලෙන්, වැරවෑයමෙන් හා රැවටීමෙන් ඇදගෙන ආ මේ අදහස් පද්ධතිය තීරණාත්මක පරාජයකට මුහුණපෑවේ 2015 ඊනියා ‘යහපාලනයේ’ ජයග්‍රහණයත් සමගිනි.
එහෙත් ඒ පාලන තන්ත්‍රයේ නොහැකියාව හා කුමන්ත්‍රණකාරී ඩීල් දේශපාලන පිළිවෙත විසින් 2019 වනවිට ඒ පරාජිත අදහස් පද්ධතියට යළි නැගීසිටීමට පාරකපන ලද්දේ ය.
එනමුදු එය ස්වයං සිද්ධ නැගීසිටීමක් නොව බලහුවමාරුවක් සඳහා හිතා මතා සැලසුම් කළ බව පැහැදිළිව පෙනෙන පාස්කු ප්‍රහාරයේ අලුමතින් කළ බලහත්කාර නැගිට්ටවාගැනීමකි.
මේ බක්මහේ සටහන් වෙමින් යන්නේ එසේ බලෙන් මිනීවලෙන් නැගිට්ටවාගත් සිංහල බෞද්ධ ජාතිවාදී – ආගම්වාදී රාජ්‍ය පාලක දෘෂ්ටිවාදයේ තීරණාත්මක පරාජය මිස අනෙකක් නොවේ.
මේ අරගලය රාජපක්ෂවරුන් ගෙදර යවමින් අවසන් වුවත්, දේශපාලන පාවාදීම් හා කුරිරු ලේ වැගිරීම් ඔස්සේ රාජපක්ෂවරුන් ම තවත් යම් කලකට පාලනය තුළ තහවුරු කරමින් අවසන් වුවත්, රාජ්‍ය පාලනයේ දෘෂ්ටිවාදය ලෙස සිංහල බෞද්ධ ජාතිවාදී – ආගම්වාදී අදහස් පද්ධතියට ඇති වලංගුතාව තවදුරටත් නොපවතිනු ඇත.
තමන් බැලමෙහෙවර කර ජීවිකාව සරිකරගත් දේශපාලන කඳවුරට එරෙහි දැවැන්ත ජනතා විරෝධයේ හා අරගලයේ ශක්තිය හමුවේ වියරු වැටුණු මහින්ද පතිරණ නම් මේ විසකුරු පුද්ගලගයා අවසාන වතාවටත් වියරුවෙන් මෙන් වලිකන්නේ, මෙසේ නියත පරාජයක් කරා යමින් සිටින විසකුරු ජාතිවාදී ආගම්වාදී යක්ෂයා ම ආපසු මොන අන්දමින් හෝ නැගිටුවා ගැනීමට ය.
Mahinda Pathirana – ඔය නිහීන වැඩෙන් ඔබට ලදහැකි ජයග්‍රහණයක් තවත් ඉතිරිව නැත.
අවම වශයෙන් තමන්ගේ බඩරස්සාව කරගන්නට, නියත පරාජයක් කරා යමින් සිටින්නාවූ ද, මේ තාක් මේ රට මහත්වූ විනාශයකට ඇදදමන ලද්දාවූ ද ජාතිවාදය අතහැර වෙනත් මොකක් හෝ වහන්තරාවක් හොයාගන්නට උත්සාහ කරන්න!
