පිසදමන් කඳුළු ටිශූ පේපරයෙන්

ඉන වටා කිරි කවඩි පැළදි
බඩඉඟුරු ගොවි දරුවෝ
ළඟම පාසල හොඳම
උගනිත් ටැබ් දරා සුරතින්

සරු ගොවිබිම් මැදින්
දුවගෙන එන තරුණ ගෙවිලියක
එල්ලී සුරතෙ ගොවිහිමි
අසයි…..
අද හවස ඇවිදිමූ ද ජොගින් ට්‍රැක්එකේ අපි?

වාංඇළ ගිලි ගිලී
දියබුං කෙළින යුහුනන්
වාදයක එළඹ ඇත
ලබන කන්නයෙ වපුරන
කුරුළුතුඩු කහමාල ගැන

විශ්‍රාම ගොවි නෝන මහතුන්
මැදසාල පුළුල් තිරයෙන්
බල බලා සුසුම් හෙලත්
අසල රටක ගොවීන්
උස්සාගෙන බෝඩ්ලෑලි
දවාගෙන පාලක පඹයන්
ඉල්ලා පොහොර වෙනුවෙන්
කරන අරගල
පිසදමමින් කඳුළු ටිශූ පේපරයෙන්!!!