ඊයෙ කඩුවෙල උසාවිය ඉදිරිපිට පවත්වනු ලැබූ උද්ඝෝෂණයක් අතරතුර අධිකරණ දේපල සහ අධිකරණයට අපහාස කිරීම යන චෝදනා ඉදිරිපත් කරමින් කඩුවෙල පොලිසිය අද අධිකරණය හමුවේ දැක්වූ අදහස් සැලකිල්ලට ගනිමින් උද්ඝෝෂණයට සහභාගි වූවන් වෙනුවෙන් එම උද්ඝෝෂණය සංවිධානය කළ පෙරටුගාමී සමාජවාදී පක්ෂයේ දුමින්ද නාගමුව ඇතුළු පස් දෙනෙක්ට කඩුවෙල මහේස්ත්‍රාත් අධිකරණය වරෙන්තු නිකුත් කර තිබේ. ඒ අනුව දුමින්ද නාගමුව ඇතුළු පස් දෙනා වහාම අත්අඩංගුවට ගෙන අධිකරණයට ඉදිරිපත් කිරීමට නියමිත බව දැනගන්නට තිබේ.
එළඹෙන 23 වැනිදා මෙම නඩුව නැවත විභාගයට ගැනීමට නියමිත අතර වරෙන්තු නිකුත් වූ පස් දෙනා එදින අධිකරණයට ඉදිරිපත් කළ යුතු බව වාර්තා වේ .
