කොවිඩ් ආසාදිත හා ආසාදිතයින්ගේ මරණ සංඛ්යා ලේඛන අනුව ශ්රී ලංකාව ඉන්දියාවත් ඉක්මවා ගොස් ඇති බව රජයේ වෛද්ය නිලධාරීන්ගේ සංගමය පවසයි.
ජනගහනයට සාපේක්ෂව වාර්තා වන ආසාදිතයින් හා මරණ සංඛ්යාවන් සළකා බැලීමේදී ශ්රී ලංකාව ඉන්දියාවට වඩා ඉදිරියෙන් සිටින බව එහි උප සභාපති වෛද්ය නවීන් සොයිසා පවසා තිබේ.
වෛද්ය නවීන් සොයිසා මේ බව පැවසුවේ කොළඹ දී පැවති මාධ්ය හමුවක් අමතමිනි.
ඉන්දියාවේ රෝගීන් මිලියනයකට 2.01ක් මරණයට පත්වන විට ශ්රී ලංකාවේ එම අගය මිලියනටකට 1.91ක් මියයන බව කීවත් දිස්ත්රික්ක මට්ටමින් සිදුවන මරණ ගණනය කිරීමේදී එම අගය ඉක්මවා යන බව වෛද්යවරයා පවසයි.
ගාල්ල දිස්ත්රික්කයේ එම අගය මිලියනයකට 7.01ක් වන අතර මහනුවර 4.49, කොළඹ 2.43, ගම්පහ 2.46ක්, කළුතර 3.34ක් වන අතර කෑගල්ල නුවරඑළිය, බදුල්ල, ත්රිකුණාමලය, වව්නියාව යන දිස්ත්රික්කවල ද ඉන්දියවේ අගය ඉක්මවා මරණ වාර්තා වන බව නවීන් සොයිසා පවසා තිබේ.
ඉන්දියාවේ රෝගීන් වාර්තාවීම මිලියනයට 80.03ක් වන විට ශ්රී ලංකාවේ 136.68ක් බව කී වෛද්යවරයා එය ඉන්දියාවේ මෙන් එක හමාර ගුණයකටත් වඩා වැඩි බව පෙන්වා දෙයි.
මෙහි භයානකකම ජනතාවට අමතක වී ඇතැයි කීවත් සිදුව ඇත්තේ ජනතාවට එය අමතකමට ඉඩහැරීම බව කී නවීන් සොයිසා මහතා මේ වන විට සංචරණ සීමා පනවා තිබුණත් එය කොතරම් ක්රියාත්මකද යන්න ගැටලුවක් බව සඳහන් කර තිබේ.
