ගුරු හිඟය පියවීම සඳහා හමුදා නිලධාරීන් අනුයුක්ත කිරීමට ආණ්ඩුව සූදානම් වන්නේ සීමාවාසික පුහුණුව අවසන් කළ විද්‍යා පීඨවල සිසුන් 3,700ක් ගුරු විභාග සමතුන් 20,000ක් HND ඉංග්‍රීසි ඩිප්ලෝමාධාරීන්, විශ්වවිද්‍යාලවල උපාධිධාරීන් ඇතුළු විශාල පිරිසක් රැකියා නොමැතිව උද්ඝෝෂණය කරමින් එවන් පසුබිමක බව අන්තර් විශ්ව විද්‍යාල ශිෂ්‍ය බල මණ්ඩලය පවසයි .
අද පැවති මාධ්‍ය හමුවකට එක්වෙමින් අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු රත්කරව්වේ ජිනරතන හිමි පැවසුවේ සමාජයේ සියලු සිවිල් කටයුතුවලට ක්‍රමානුකූලව හමුදා නිලධාරීන් යොදවමින්, Stay Safe App, CCTV, ඩ්‍රෝන කැමරා ආදිය මඟින් ජනතාවගේ තොරතුරු එකතු කරමින් ආණ්ඩුව සමාජය මිලිටරීකරණය කරමින් තිබෙන අතර මේ සූදානම් වන්නේ පාසල් පද්ධතියටත් මිලිටරිය මැදිහත් කරවීමට බවයි.
