මාකදුරේ මදූෂ්ගේ මිනිමැරුම දැන් සමාජ කතාබහෙන් දුරස් වේගන යනවා. තව නොබෝ දිනකින් එය තවත් එක් මරණයක් බවට පත්වී සහමුලින්ම අමතක වී යෑම සිදුවෙනවා . මේ මරණය සම්බන්ධයෙන් පොලිසිය ගොතන කතාවට අපට අවනත විය නොහැකියි . සිදුවීම විමර්ශනය කරන විට සැක සහිත තැන් ඕනෑ තරම් හොයාගන්න පුළුවන්.
ඉතින් මෙවැනි මරණ කොතෙකුත් සිදු වී තිබුනත් ඒ පිළිබඳව සොයා බැලීම සහ නීතිය ක්රියාත්මක වීම සිදුවී නැහැ. ඊට බලපාන කරුණක් තමයි මෙසේ මරණයට පත්වෙන බොහෝ පිරිස් අපරාධකරුවන්, කුඩු ජාවාරම්කරුවන්, එසෙත් නැත්නම් කුමන හෝ සමාජ විරෝධි කටයුත්තක නියැලී සිටින සමාජ පිළිලයක් බවට ගොඩනගන ලද මතයන්. මේ සංවිධානාත්මක නීතියේ මිනිමැරුම් වලට සමාජය ප්රතිචාර දක්වන්නේ නැත්තේ මේ නාමකරණයන් තුළ ඔවුන්ව සමාජ විරෝධීන් ලෙස හංවඩු ගසා තිබීම නිසයි.
ඇත්තටම මේ පිළිබඳව කළ හැකි දෙයක් නැද්ද? එහෙම නැත්නම් කැමති ආකාරයට මෙසේ පවසන සමාජ විරෝධීන් යයි හංවඩු ගසන මිනිසුන් මරා දැමීම සාධාරණයැයි කියා අපට අත පිස දමා ගෙන සිටිය හැකිද? මේ පැනයන් වලට පිළිතුරු හොයන්න අපි පුංචි කතාබහක නිරත වුනා නීතීඥ නුවන් බෝපගේ සමග.
කුඩු ජාවාරම්කරුවකුට මරණය සුදුසු යැයි කියමින් අපිට මදූෂ් අමතක කර දැමිය හැකිද? නීතීඥ නුවන් බෝපගේ ගේ පිළිතුරට පහත හඬ පටයෙන් සවන් දෙන්න.
