ඩොනල්ඩ් ට්‍රම්ප් කියා සිටින්නේ අවම වශයෙන් 78 දෙනෙකු මිය ගිය 2000 ට තුවාල සිදුකල එකී මාරාන්තික බීරූට් පිපිරුමට “බෝම්බයක්” හේතු වූ බවයි.ඒ කෙසේදැයි විමසු විට ට්‍රම්ප් කියා සිටියේ පිපිරීම “යම් ආකාරයක බෝම්බයක්” යැයි සිතන එක්සත් ජනපද හමුදා නිලධාරීන් සමඟ තමා කතා කළ බවයි.
ලෙබනන් අග්‍රමාත්‍ය හසන් ඩයබ් රෑපවාහිනියෙන් සිය ජාතිය අමතමින් පැවසුයේ බීරූටි නගරයේ අනාරක්ෂිත අවි ගබඩාවක මාරන්තික පිපිරීමකින් මෙම ඛෙිදවාචකය සිදුවූ බවයි වැඩිදුරටත් මෙි පිලිබදව පැවසූ ඔහු ‘‘ “වගකිවයුත්තන් විසින් එහි මිල ගෙවනු ඇත,” යනුවෙන් අවධාරණය කලේය. ලෙබනන් රජය කියා සිටියේ එය තවමත් ව්‍යසනයේ පූර්ණ පරිමාණය තහවුරු කිරීමට අරගල කරන බවයි.”බොහෝ දෙනෙක් අතුරුදහන් වී ඇත. මිනිසුන් තම ආදරණීයයන් ගැන හදිසි ප්‍රතිකාර අංශයෙන් විමසන අතර විදුලිය නොමැති නිසා රාත්‍රියේ ඔවුන්ව සෙවීම දුෂ්කර ය” සෞඛ්‍ය අමාත්‍ය හමාඩ් හසන් මහතා පැවසීය.ලෙබනන් ජනාධිපති මිචෙල් අවුන් පැවසුවේ ඇමෝනියම් නයිට්රේට් ටොන් 2,750 ක් වසර හයක් තිස්සේ ආරක්ෂිත පියවරයන් නොමැතිව වරායේ ගබඩා කර තිබී ඇති බවත් එයට කෙසේ හෝ ගින්දර කාන්දු වී ඇති බවත්ය. ඒ සමගම ඔහු රට තුල සති දෙකක හදිසි තත්වයක් ප්‍රකාශයට පත් කල යුතු යැයි පැවසීය.
සමාජ මාධ්‍යවල නිවැසියන් විසින් බෙදාගන්නා ලද පිපිරුමේ වීඩියෝ පටයේ දැක්වෙන්නේ වරායෙන් දුමාරයක් නැගී එන අතර දැවැන්ත පිපිරීමක් සමග සුදු වලාකුළක් සහ ගිනි බෝලයක් අහසට යවන අන්දමයි. බේරූට් රෝහල් තුවාල ලැබූවන්ගෙන් පිරී තිබීම නිසා වින්දිතයින් නගරයෙන් පිටත ප්‍රතිකාර සඳහා රැගෙන යන බව වාර්තා වේ.විෂ සහිත දුම් ඇතිවීමේ අවදානම හේතුවෙන් මිනිසුන්ට ගෘහස්ථව සිටීමට අනතුරු අඟවා ඇත.
