නිදහස් අධ්යාපනය, නිදහස් සෞඛ්යය ඇතුළු ජනතා අයිතීන් දිනා ගැනීමට දිවිහිමියෙන් සටන් වැදුණු සිසු විරුවන් සිහි කෙරෙන ශිෂ්ය වීර දින සැමරුම අද ‘ඔවුහු ඔබට අසීමිතව ප්රේම කළහ’ තේමාව යටතේ අන්තර්ජාලය ඔස්සේ පැවැත්වුණි.
එහිදී අදහස් දැක්වූ අන්තර් විශ්ව විද්යාල ශිෂ්ය බල මණ්ඩලයේ කැඳවුම්කරු රත්කරව්වේ ජිනරතන හිමියන් පැවසුවේ මේ මොහොතේ ලෝකය දශමයකින් හෝ වෙනස් කිරීමට සිහින දකින පිරිස් වෙත සිසු විරුවන් ජීවිත කැප කරමින් ආදර්ශ සැපයු බවයි. එසේම මේ මොහොතේ අධ්යාපන ආයෝජනා කළාප, ආසිරි – ඇබර්ඩීන් උපාධි කඩය, online අධ්යාපනය හරහා අධ්යාපනයට වෙන්කරන මුදල් කප්පාදුවටත් පාලකයන් උත්සාහ කරමින් නිදහස් සෞඛ්ය සහ නිදහස් අධ්යාපනය කොල්ලකෑමට අදාළ වැඩපිළිවෙලක් ක්රියාත්මක වෙමින් පවතින බවද ජිනරතන හිමියන් පැවසීය.
එසේම එම හිමියන් වැඩි දුරටත් පැවසුවේ,
මොහොමඩ් නිෂ්මි සහෝදරයා වරක් සඳහන් කර තියෙනවා ” හොඳ දේ කිරීමට අමාරුයි. හොඳ දේ කළවිට ඒවා වටිනා හා ලස්සන දේ වේ. පහසු දේ කරන්නට ඕනෑම කෙනෙකුට හැකිය. එසේම ඕනෑම කෙනෙක් ඒවා සිදුකරයි. නමුත් ඒවා වටිනා හා ලස්සන දේ වන්නේ නැත. එහෙයින් අනෙක් අය පසුබාන, අනෙක් අය අතහරින, අසීරු හොඳ කටයුතු අප බාර ගතයුතුය. අප ඒවා කළ යුතුය, ඒවා කළ හැකිය. නිෂ්මි සහෝදරයා කිව්ව වගේ මේ මොහොත කියන්නෙ හොඳ දේ කළ යුතු බව කළ හැකි බව විශ්වාස කරන දහස් ගණනක් වීරවරියො, වීරවරු අවශ්ය මොහොතක්.
