ඔබ සිටින වග
සිසිලියා නගරයෙහි
මේ අවුල් වියවුල් මැද
සැලවීය අහම්බෙන් මෙන්

ස්වයං වෛරසයක්
පැතිර යයි දැන් මා තුළ
ලේ නහර ඔස්සේ
අවුස්සා පෙර මතක

දූට දැන් වයස කීයද
ආයෙම වතාවක් බැන්දද
එහෙම නැත්නම් තනියෙන්
මාත් එක්කන් තරහින්
ඈව පණ මෙන් රැක්කද

කවි පොතේ පිටු ඉරුනද
දිවි පැලැස්තර වැහුවද
කයි-කතන්දර අතරින්
දූගෙ ඇස් වල පතුලින්
ජිවිතේ දුර දුටුවද

ඉතින් මේ උවදුර ගැන
මොකට මං දුක් වෙනවද
ඔයා වගෙ ගෑනියෙකුට
මේ උපද්‍රව මොනවද