# පරිසර දූෂණය හා ගෝලීය උණුසුම පහළ බැසීම.
# රට, ජාතිය හා ආගම බඳු සංකල්පයන්ට වඩා මිනිසුන් මෙහෙයවන්නේ අහාර,බෙහෙත් හා ණය පොලී ගෙවීම පිළිබඳ සාධක මඟින් බව හෙළිදරව් වීම.
# නක්ෂත්‍ර ඇතුළු මිත්‍යා විශ්වාසයන්ගේ හරසුන් බව පසක් වීම.
# පෞද්ගලික නිදහස බඳු ලිබරල් සංකල්පයන්ගේ දරිද්‍ර බව පැහැදිලි වීම.
# සියල්ල විකිණීම සඳහා පවතින බව විශ්වාස කළ හා එය අතිනූතන අදහසක් සේ සලකා ප්‍රචාරය කළ සිවිල් සමාජ ක්‍රියාධරයින්ගේ හා බුද්ධිමතුන්ගේ මුග්ධ බව අනාවරණය වීම.
# දුප්පත් මව්බිම අතහැර දියුණු සංවර්ධිත රාජ්‍යයන්හි ජීවිතය සෙවූ නමුදු එසේ තනි තනිව විමුක්තිය ලබා ගත නො හැකි බව අවබෝධ වීම.
# මක්කම,වතිකානුව බඳු සිද්ධස්ථානයන්හි කිසිදු ප්‍රාතිහාර්යයක් නොමැති බව සනාථ වීම
# ආධ්‍යාත්මික ශක්තියෙන් ලෙඩ සුව කිරීම යනු සම්පූර්ණයෙන් ම වාණිජ පරමාර්ථ මත සිදු වන ව්‍යාපාරයක් පමණක් බව තහවුරු වීම.
# පන්සල්,පල්ලි,කෝවිල් හා අසපු ආදියෙහි වාසය කරන පූජකයන් සාමාන්‍යය ජනයාගෙන් කිසිසේත් වෙනස් නො වන බව අවබෝධ වීම.
# මධ්‍යම පන්තිය විසින් ප්‍රදර්ශනය කරන ලද ශිෂ්ටත්වය තම කුටුම්භයේ පැවැත්ම පිළිබඳ කාරාණාව මත සීමා වන බව හෙළිදරව් වීම.
# ද්‍රව්‍යයමය ලෝකය බිඳ වැටෙන විට ආධ්‍යාත්මික ශක්තියෙන් ඉන් මිදීමට නො හැකි බව තහවුරු වීම හෙවත් විඤ්ඤාණවාදයේ දිළිඳු බව යළිත් තහවුරු වීම.
# ලොවෙන් උතුම් රට,ආගන්තුක සත්කාරයෙන් ඉහළ ම රට බඳු ග්‍රාම්‍ය ජාතිකවාදයේ නිසරු බව සාධනය වීම.
# මුහුණ නිරාවරණය කරගෙන සිටීමෙන් ජාතික ආරක්ෂාව තහවුරු නො වන බව සමර්ථනය වීම.
# වියදම් කිරීමට මුදල් නොමැතිව ලැබෙන නිවාඩුව,නිවාඩුවක් නො වන බව පසක් වීම.
(මේ ලැයිස්තුව තවදුරටත් පිරවීමේ අයිතිය ඔබ සතු ය.)
