රාජ්‍ය ආදායම් ඉලක්ක පවත්වාගෙන යාම සහතික කරන අතරම, ඉදිරි අයවැය තුළ ඇතැම් බදු තවදුරටත් අඩු කිරීමට රජය සැලසුම් කර ඇති බව ජනාධිපති අනුර කුමාර දිසානායක පවසයි.
රටේ ආර්ථික ක්‍රියාකාරිත්වය පිළිබඳව අදහස් දක්වමින් ජනාධිපතිවරයා සඳහන් කළේ, බලයට පත්වීමෙන් පසු කිසිදු නව බද්දක් පැනවීමකින් තොරව රජය සිය ආදායම් ඉලක්ක සපුරා ගැනීමට සමත් වූ බවයි.
“අපි බලයට පත්වීමෙන් පසු කිසිදු නව බද්දක් පනවා නැහැ. ඇත්ත වශයෙන්ම, දැනට පවතින බදු කිහිපයක් අපි සැලකිය යුතු ලෙස අඩු කර තිබෙනවා. ඉදිරි අයවැය තුළ තවත් බදු කිහිපයක් අඩු කිරීමට අපි කටයුතු කරනවා,” යැයි ඔහු පැවසීය.
ආණ්ඩුව අලුත් බදු පැනවීම නොකළ බව සඳහන් කරන්නේ නිශ්චිත බදු වර්ග අලුතෙන් හඳුන්වා දී නැති බව පෙන්වීමටයි. නමුත් විශේෂ වෙළඳ භාණ්ඩ බද්ද සෙස් බද්ද වැනි බදු ඉහළ යාම නිරන්තරයෙන් සිදුව තිබේ.
එසේම බදු වැඩි නොවුනද භාණ්ඩ මිල දිනෙන් දින ඉහළ යාම නිසා ජනාධිපතිවරයා කියන ආකාරයේ වෙනසක් ජනතාවට නම් දැනී නැති බව පැහැදිලිය.
