ඉල්ලීම් කිහිපයක් මුල් කරගෙන රජයේ සියලු විශ්වවිද්යාලවල ආචාර්යවරුන් අද (09) එක්දින සංකේත වැඩ වර්ජනයක් ආරම්භ කර ඇත.
විශ්වවිද්යාල පද්ධතියේ පවතින ගැටලුවලට මෙතෙක් විසඳුම් ලබා දීමට වත්මන් රජය අපොහොසත් වීම හේතුවෙන් මෙම වර්ජනය ආරම්භ කළ බව විශ්වවිද්යාල ආචාර්යවරුන්ගේ සමිති සම්මේලනය පවසයි.
විශ්වවිද්යාල පද්ධතියේ පවතින ගැටලුවලට විසඳුම් ලබා දෙන ලෙස ඉල්ලීම් කළද ඊට කිසිදු යහපත් ප්රතිචාරයක් මේ වනතෙක් ලැබී නැති බව එම සම්මේලනය පෙන්වා දෙයි.
තවදුරටත් සිය ඉල්ලීම් නොසලකා හරින්නේ නම් අද ආරම්භ කළ වෘත්තිය සමිති ක්රියාමාර්ගය අඛණ්ඩ වැඩ වර්ජනයක් දක්වා දියත් කිරීමට සිදුවන බව ආචාර්යවරුන්ගේ සමති සම්මේලනය තවදුරටත් සඳහන් කර ඇත.
පසුගියදා බුලත්සිංහල පැවති සාකච්ඡාවකදී ජනාධිපතිවරයා පැවසුවේ ඉදිරියේදී විශ්ව විද්යාල 50ක් ආරම්භ කරන බවයි. විශ්ව විද්යාල 50ක් ආරම්භ කිරීමට පෙර ජනාධිපතිවරයා මැදිහත්වී හෝ තිබෙන විශ්ව විද්යාලවල ගැටළු විසඳන්නේ නම් යහපත්ය.
