විසි දෙවන ව්යවස්ථා සංශෝධන පනත් කෙටුම්පතට අදාලව ඉදිරිපත් කර තිබෙන පෙත්සම් විභාගයට ශ්රේෂ්ඨාධිකරණ විනිසුරුවරු දහතු-න් දෙනාගෙන් සමන්විත සම්පූර්ණ විනිසුරු මඩුල්ලක් පත් කරන ලෙස කළ ඉල්ලීම අද ශ්රේෂ්ඨාධිකරණය විසින් ප්රතික්ෂේප කර තිබේ.
ඒ අනුව, පෙත්සම් විභාගය සිදුවනු ඇත්තේ, අගවිනිසුරු ප්රීති පද්මන් සූරසේනගේ සභාපතිත්වයෙන් යුත් පංච පුද්ගල විනිසුරු මඩුල්ල ඉදිරියේයි.
අද පෙත්සම් විභාගය ආරම්භ වූ අවස්ථාවේ, සාලිය පීරිස්, අලි සබ්රී, එම්.ඒ. සුමන්තිරන් සහ මෛත්රී ගුණරත්න ඇතුළු ජනාධිපති නීතීඥයන් කිහිප දෙනෙකු සම්පූර්ණ විනිසුරු මඩුල්ලක් පිළිබද ඉල්ලීම ඉදිරිපත් කර තිබුණි.
කෙසේ වෙතත්, නීතිපතිවරයා වෙනුවෙන් පෙනී සිටි සොලිසටර් ජනරාල් විරාජ් දයාරත්න අධිකරණයට පෙන්වා දී තිබුණේ, විනිසුරු මඩුල්ලක සංයුතුය සහ විනිසුරු සංඛ්යාව තීරණය කිරීම අගවිනිසුරුගේ අභිමතය පරිදි සිදුකළ හැකි බවයි.
මේ ආකාරයට අගවිනිසුරුවරයාගේම විශ්රාම වයස දීර්ඝ කිරීමට අදාළඉදිරිපත් වී ඇති පෙත්සම් ඔහුගේම සභාපතිත්වයෙන් යුතු කමිටුවක් හරහා විභාග කිරීම ස්වභාවික යුක්ති ධර්මයට පටහැනි බව නීතිඥ නුවන් බෝපගේ පවසයි. තමන්ගේම නඩුව තමන්ම විභාගයට ගැනීමේදී අවම වශයෙන් ශ්රේෂ්ඨාධිකරණ විනිසුරුවරුන් 13 දෙනාම සහභාගී වීම වැදගත් බව ඔහු පවසයි.
