තවමත් පැහැදිලි අවසානයක් නොමැති ඉරානය යුද්ධය වෙනුවෙන්, මේවනවිට ඇමෙරිකන් ඩොලර් බිලියන 37.5 ක මුදලක් වැයවී ඇති බවට ඇමෙරිකන් ආරක්ෂක ලේකම් පීට් හෙග්සිත් සිදුකළ ප්රකාශය සම්බන්ධයෙන් මුළු ලෝකයේම අවධානය යොමුව තිබේ.
ඇමෙරිකන් ආරක්ෂක ලේකම්වරයා මෙසේ පැවැසුවේ සෙනෙට් අයවැය කමිටුව හමුවේ පෙනී සිටිමිනි. මෙම යුද වියදම් මැයි මාසයේ ගණන් බැලූ අවසන් ඇස්තමේන්තුවට වඩා ඩොලර් බිලියන 8 ක පමණ ඉහළ යෑමක් බව ද ආරක්ෂක අමාත්යවරයා සෙනෙට් කමිටුව හමුවේ පවසා තිබේ.
මැදපෙරදිග හමුදා මෙහෙයුම් සඳහා ඩොලර් බිලියන 67ක් ඇතුළුව ඩොලර් බිලියන 87 ක අතිරේක මුදල් වෙන් කරන ලෙස ද ඔහු ඉල්ලා ඇත.
මෙම අතිරේක මුදල් ප්රමාණය නොලැබුණහොත්, හමුදා පුහුණු වැඩසටහන් කපා හැරීමට පමණක් නොව, යුද උපකරණ හා ආයුධ සැපයුමට බාධා එල්ල විය හැකි බවටත් පීට් හෙග්සිත් අනතුරු ඇඟවීමක් ද සිදුකර ඇත.
මේ සම්බන්ධයෙන් අදහස් දක්වන දේශපාලන විචාරකයන් පවසන්නේ නිල දරිද්රතා මිනුමට අනුව, ඇමරිකානුවන් මිලියන 35.9 ක් නැතහොත් එක්සත් ජනපද ජනගහනයෙන් 10.6% ක් දරිද්රතා රේඛාවට පහළින් ජීවත් වෙන තත්ත්වයක් තුළ මෙවැනි අධික වියදම් කිරීම කොතරම් යුක්ති සහගතද යන්නයි.
