කෙහෙල්බද්දර පද්මේ සහ කමාන්ඩෝ සලින්ත ඇතුළු පුද්ගලයින් පස් දෙනෙකු දින 90 ක කාලයක් රඳවා තබාගෙන ප්රශ්න කිරීම සඳහා ත්රස්තවාදය වැළැක්වීමේ පනත (PTA) යටතේ පොලිසිය රැඳවුම් නියෝග ලබාගෙන ඇති බව වාර්තා වේ.
මෙහිදී මතුවන ප්රශ්නය වන්නේ ත්රස්තවාදය වැළක්වීමේ පනත නොමැතිව අපරාධ සඳහා සම්බන්ධ පුද්ගලයන් වෙනුවෙන් කටයුතු කිරීමට වෙනත් මගක් නැද්ද යන්නයි. ආණ්ඩුවේ වුවමනාව වී තිබෙන්නේ එය එලෙස පෙන්වීම බව පෙනෙන්නට තිබේ. මන්ද ත්රස්තවාදය වැළක්වීමේ පනත යටතේ රඳවා තබා ගැනීම සඳහා රැඳවුම් නියෝගයට අත්සන් තැබිය යුත්තේ ආරක්ෂක ඇමතිවරයා ලෙස ජනාධිපතිවරයායි.
මෙවැනි අපරාධ සඳහා දණ්ඩ නීති සංග්රහය අනුව කටයුතු කිරීමට හැකියව තිබේ. එහෙත් ආණ්ඩුව ත්රස්තවාදය වැළක්වීමේ පනත හරහා මෙවැනි අපරාධ සඳහා සම්බන්ධ යයි සැකකරන පුද්ගලයන් අත්අඩංගුවට ගන්නේ ත්රස්ත පනත් සුජාත කිරීම සඳහායි. කිසිවෙකු මෙය ප්රශ්න නොකරනු ඇති බව ආණ්ඩුවේ විශ්වාසයයි.
දැනට තිබෙන ත්රස්ත පනත අහෝසි කර නව ත්රස්ත පනතක් ගෙන ඒමට උත්සාහ කරන ආණ්ඩුව මේ කරන්නේ සඳහා මග හෙළිපෙහෙළි කරගැනීමයි.
