පිරිවැය පහළයාමක් නොමැතිව තවදුරටත් විදුලි ගාස්තු අඩුකිරීම මගින් ලංකා විදුලිබල මණ්ඩලයේ මූල්ය ක්රියාකාරිත්වය විශාල ලෙස අඩපණ විය හැකි බව ශ්රී ලංකා මහබැංකුව විසින් නිකුත් කරනු ලැබූ වාර්ෂික ආර්ථික විවරණ වාර්තාවේ සඳහන් වේ.
මෙම වර්ෂයේ ජනවාරි මාසයේ දී විදුලි ගාස්තු 20%කින් පහළ දමමින් ගාස්තු සංශෝධනයක් සිදුකරනු ලැබූ අතර එවැනි සංශෝධනයක් කෙතරම් දුරට පිරිවැය පිළිබිඹු කරනුයේ ද යන්න පිළිබඳව අවිනිශ්චිතතා ඇතිවී තිබෙන බවද මෙකී වාර්තාවේ සඳහන්. ඒ අනුව මහ බැංකු වාර්තාවෙන් ඉඟි කරන්නේ නැවත විදුලි බිල වැඩිවීමක් ද යන්න ගැන සැක පළව තිබේ.
ඉකුත් වර්ෂයේ දී (2024) දෙවරක් විදුලි ගාස්තු සංශෝධනය කෙරුණා.
මාර්තු මාසයේ දී 21.9% කින් හා ජුලි මාසයේ දී 22.5% කින් විදුලි ගාස්තු අඩුකරනු ලැබුවා.
මේ අයුරින් විදුලි ගාස්තු අඩුකිරීම හේතුවෙන් වසර අවසාන භාගයේ දී මාසිකව උපයන ලද ලාභය සැලකිය යුතු අයුරින් පහත වැටී ඇති බව ද මෙම වාර්තාවේ සඳහන් වේ.
කෙසේවෙතත් විදුලිබල මණ්ඩලය ඉකුත් වර්ෂයේ දී රුපියල් බිලියන 148.6ක ලාභයක් ලබා ගෙන තිබේ.
නන්දලාල් මේ මතුරන්නේ ජාත්යන්තර මූල්ය අරමුදල විසින් මතුරන ‘පිරිවැය ගැලපුම‘ නම් මන්තරයයි. නමුත් ඉහත වර්ෂයේ වාර්තා වූ පරිදි විදුලි බල මණ්ඩලය ලාභ පිට ලාභ ලබමින් සිටියි. එයට සාපේක්ෂව ජනතාවට සැලකිය යුතු විදුලි මිල අඩුවීමක් සිදු වී නැත. විදුලි මිල ජනතාවගේ ජීවන වියදමෙහි ඉහළම පංගුවක් නියෝජනය කරමින් තිබේ.
