මහ බැංකු බැඳුම්කර සිදුවීම සම්බන්ධයෙන් චෝදනා එල්ල වී ඇති හිටපු මහ බැංකු අධිපති අර්ජුන් මහේන්ද්‍රන් මෙරටට ගෙන්වා ගැනීමට දරන ලද උත්සාහය නැවත වරක් අසාර්ථක වෙතැයි ඉඟි පළවෙමින් තිබේ.
නීතිපති දෙපාර්තමේන්තුව විසින් කරන ලද උත්සාහයට ප්‍රතිචාර දක්වමින් සිංගප්පූරු බලධාරීන් දන්වා ඇත්තේ තම රටේ නීතියට අනුව සිංගප්පූරු පුරවැසියෙකු ශ්‍රී ලංකාවට උද්ර්පනය කළ නොහැකි බවය.
උපතින් ශ්‍රී ලාංකිකයෙකු වුවද පසුව සිංගප්පූරු පුරවැසිභාවය ලබාගත් අර්ජුන් මහේන්ද්‍රන් යහපාලන රජය සමයේ මහබැංකුවේ අධිපති ධුරය දරන ලදී.
එම කල සීමාවේ සිදුවූ බැඳුම්කර වංචාව හේතුවෙන් ශ්‍රී ලංකා රජයට රුපියල් බිලියන දහයක අලාභයක් සිදුවූ බවට බවට ඔහුට චෝදනා එල්ල වී ඇත. අර්ජුන් මෙම වංචාවේ ප්‍රධාන චුදිතයෙකි.
මීට පෙරද ඔහු ලංකාවට ගෙන්වා ගැනීමට නීතිපති දෙපාර්තමේන්තු උත්සාහ කර ඇති නමුත් සිංගප්පූරුවේ විසින් එය ප්‍රතික්ෂේප කර තිබින.
කෙසේවෙතත් ජනාධිපතිවරණ සමයේ අනුර කුමාර දිසානායක පැවසුවේ ආණ්ඩුවේ ප්‍රධාන කටයුත්තක් ලෙස අර්ජුන් මහේන්ද්‍රන්ව මෙරටට ගෙන්වන බවයි.
