ආණ්ඩුව හොරු ආරක්ෂා කරන බවට ඇතැමුන් චෝදනා නැගුවද හොරු ඇල්ලීම වෙනුවෙන් ආණ්ඩුව පසුගිය වසර දෙක තුළ නව නීති රැසක් ගෙන ආ බව රනිල් වික්‍රමසිංහ පැවසීය.
හොරු අල්ලන්නට ගෙන ආ එම ශක්තිමත් නීති පද්ධතිය විප්ලවයක් බවත් , එම නීති පද්ධතිය ක්‍රියාත්මක කිරීම සඳහා විදෙස් පුහුණුව ලබාදී පලපුරුදු නිලධාරීන් බිහිකිරීමේ කටයුතු මේ වනවිට අධිකරණ අමාත්‍යාංශය විසින් අරඹා තිබෙන බව සඳහන් කර තිබේ.
ජනාධිපතිවරයා එබව කියා සිටියේ, තෙල්දෙනිය අධිකරණ සංකීර්ණය විවෘත කිරීමේ අවස්ථාවට අද (15) සහභාගී වෙමිනි.
පසුගිය වසර 02 තුළ පමණක් නව නීති 75ක් සම්මත කර ගැනීමට රජය කටයුතු කළ බව ජනාධිපති රනිල් වික්‍රමසිංහ වැඩිදුරටත් පවසා තිබේ.
නමුත් රනිල්ගේ මේ නීති 75ටම මහ බැංකුව සම්බන්ධ බැඳුම්කර වංචාවන්වලට අදාළ හොරු කොටුකර ගැනීමට නොහැකි වී තිබේ. එසේම බදු ගෙවීම පැහැර හැර ඇති සමාගම්, සීනි බදු වංචාව වැනි වංචාවන්වලට සම්බන්ධ පුද්ගලයන් කොටු කර ගැනීමට නොහැකිවී තිබේ.
වෙනඑකක් තබා මෑතකදී සිදුවූ වීසා නිකුත් කිරීමේදී සිදුවූ වංචාවන් ගැන පවා ජනතාව ඒ ගැන හෙළිකරන තුරු රනිල්ගේ නීතිවලට ඒවා හසු නොවිය.
