අරගලය ආරම්භ කර වසරක් ගත වීම නිමිත්තෙන් අරගලයේ ක්‍රියාකාරී සාමාජිකයන් මිරිහාන ජුබිලි කණුවේ පැවැත්වීමට නියමිත සැමරුම් උත්සවය හේතුවෙන් මිරිහාන පොලීසිය වෙත පොලිස් නිලධාරීන් 1500ක් ඇතුළු ආරක්ෂක අංශ සාමාජිකයන් 3000ක විශේෂ බලකායක් කැඳවා ඇති බවට වාර්තා වනවා.
පොලිස් ආරංචි මාර්ග පෙන්වා දෙන්නේ 2022 මාර්තු 31 වෙනි දින හිටපු ජනාධිපති ගෝඨාභය රාජපක්ෂ බලයෙන් පහ කිරීමට සිදුකළ උද්ඝෝෂණයට අදට වසරක් පිරීම නිමිත්තෙන් විධායක ජනාධිපති ක්‍රමය අහෝසි කරනු යනුවෙන් විරෝධතාවයක් ද පැවැත්වීමට නියමිත වීම හේතුවෙන් මෙලෙස ආරක්ෂාව තර කර ඇති බවයි.
අද මිරිහාන ජුබිලි කනුව අසළ සවස 5.30ට මෙම විරෝධත්වය පැවැත්වීමට නියමිතව තිබේ. ආණ්ඩුවේ ඒ සම්බන්ධයෙන් දැනටමත් බියවී ඇති බව පෙනේ.
