ලංකාවත් ආහාර අර්බුදය අතින් ඉතියෝපියාව මට්ටමේ

ඉදිරි මාස කිහිපය තුළ ලොවපුරා රටවල් 19 ක ආහාර අනාරක්ෂිතභාවය තවදුරටත් පිරිහෙනු ඇති බව ලෝක ආහාර වැඩසටහන උපුටා දක්වමින් ජාත්‍යන්තර මුල්‍ය අරමුදල වාර්තාවක් මගින් පෙන්වා දෙනවා. රුසියානු-යුක්රේන අර්බුදය, දේශගුණික විපර්යාස, වසංගත සහ කලාපීය ගැටුම් මේ සඳහා බලපාන බවයි එම සංවිධානය පවසන්නේ.

මෙම රටවල් 19 අතරට ශ්‍රී ලංකාවද ඇතුළත්ව තිබෙනවා. ඒ අනුව ඇෆ්ගනිස්තානය, දකුණු සුඩානය, යේමනය, ඉතියෝපියාව, සෝමාලියාව ඇතුළු රටවල මට්ටමටම ශ්‍රී ලංකාවේ ආහාර අර්බුදය උග්‍ර වී තිබේ.

පසුගිය ජුනි මාසයේදී ලෝක ආහාර වැඩසටහන වාර්තාවක් මගින් ප්‍රකාශ කළේ උග්‍ර කුසගින්නෙන් පෙළෙන රටවල් අතර ශ්‍රී ලංකාවද සිටින බවයි.

අත්‍යවශ්‍ය ආහාර ද්‍රව්‍ය පවා ආනයනය කරගත නොහැකි මට්ටමට මෙරට ආර්ථිකය පිරිහී ඇති අතර දේශීය ආහාර ද්‍රව්‍යවල මිල දිනෙන් දිනම ඉහළ යමින් තිබෙනවා.

ඉහළ උද්ධමනය, භාණ්ඩ වල මිල ඉහළ යාම, විදුලිය කප්පාදුව සහ ඉන්ධන හිඟය හේතුවෙන් ශ්‍රී ලංකාවේ ආර්ථික අර්බුදය තවදුරටත් පවතින බවත් කෘෂි කාර්මික නිෂ්පාදනවල සැලකිය යුතු අඩුවීම අර්බුදය තවත් උග්‍ර කර ඇති බවත් මානුෂීය කටයුතු සම්බන්ධීකරණය සඳහා වූ එක්සත් ජාතීන්ගේ කාර්යාලය ද සඳහන් කර තිබේ.

 

Share post:

Popular

වෙනත් පුවත්

පනත් සම්මත වෙන්නටත් ප්‍රථම පොලිස් රාජ්‍යයක සෙවණැලි

වර්තමාන රජය විසින් හඳුන්වා දීමට යන ත්‍රස්තවාදයෙන් රාජ්‍ය ආරක්ෂා...

ජෛවමිතික දත්ත හැඳුනුම්පතට එරෙහිව අභියාචනාධිකරණයට පෙත්සමක්

මෙරට ජනතාවගේ ජෛවමිතික දත්ත ඉන්දීය ආයතනයකට ලබාදී ඩිජිටල් හැඳුනුම්පත්...

සටන් කරන බලවේග මර්දන පනත්වලට එරෙහිව එක්වෙද්දී OCA ගැන ශ්‍රේෂ්ඨාධිකරණ තීරණය කතානායකට

සංවිධානාත්මක අපරාධ වැළැක්වීමේ පනත් කෙටුම්පත සම්බන්ධයෙන් ශ්‍රේෂ්ඨාධිකරණය ලබාදුන් තීරණය...