හිටපු ජනාධිපති මහින්ද රාජපක්ෂ වෙනුවෙන් රජය ලබා දී ඇති විජේරාම මාවතේ පිහිටි නිල නිවස පුළුල් කර අලුත්වැඩියා කිරීම සඳහා රුපියල් මිලියන 400ක් ලබා දීමට කැබිනට් මණ්ඩලය තීරණය කර ඇති බව වාර්තා වේ.
ගෝඨාභය රාජපක්ෂ ජනාධිපති ධුරය දරන සමයේද එවකට හිටපු අගමැති මහින්ද රාජපක්ෂ මහතා විසින් අදාළ අලුත්වැඩියාවට කැබිනට් මණ්ඩලය දැනුවත් කිරීමට පියවර ගෙන තිබුණි. එහෙත් එම ඉල්ලීම සලකා බැලීම කල් දමා තිබූ බව වාර්තා වේ.
එම අලුත්වැඩියාව නිම වන තුරු මහින්ද රාජපක්ෂ වෙනුවෙන් බුලර්ස් පටුමගෙහි නිවසක් ලබාදීමට ද රජය පියවර ගෙන ඇති බව මාධ්ය වාර්තා කරයි.
