එංගලන්තයේදී දැන් පැවැත්වෙන පොදු රාජ්‍ය මණ්ඩලීය ක්‍රීඩා උළෙලට සහභාගි වූ ශ්‍රී ලංකා කණ්ඩායමේ ක්‍රීඩකයන් සහ නිලධාරීන් ඇතුළු දස දෙනකු මේ වන විට අතුරුදහන් අතුරුදහන්ව ඇතැයි වාර්තා වේ.
ජූඩෝ, බොක්සිං, වෙරළ වොලිබෝල් සහ මල්ලවපොර යන කණ්ඩායම් නියෝජනය කරන පිරිසක් තමන්ගේ ක්‍රීඩා තරඟ අවසන් කිරීමෙන් අනතුරුව මෙසේ අතුරුදන්ව ඇතැයි වැඩිදුරටත් වාර්තා වේ.
බ්‍රිතාන්‍යයේ බර්මින්හැම්හි පැවැත්වෙන පොදුරාජ්‍ය මණ්ඩලීය ක්‍රීඩා උළෙල සඳහා ක්‍රීඩක ක්‍රීඩිකාවන් නිලධාරීන් ඇතුළු 160 දෙනෙකු සහභාගී වී තිබුණි.
ලංකාව තුළ මතුව ඇති ආර්ථික අර්බුදය හේතුවෙන් බොහෝ තරුණ පිරිස් රට හැරදමා යාමට සැරසී සිටින අවස්ථාවක මෙම ක්‍රීඩකයන්ගේ හැසිරීම ගැන පුදුම විය යුතු නැත. අනිත් අතින් ජයග්‍රහණ ලැබූ ක්‍රීඩකයන් පවසන කරුණුවලින් පෙනී යන්නේ ඔවුන්ට රට නියෝජනය කිරීම වෙනුවෙන් අනෙක දුෂ්කර කොන්දේසි යටතේ පුහුණුවීම් කිරීමට සිදුව තිබූ බවයි. ජයග්‍රහණයකදී ඔවුන්ට සුබ පතන පාලකයන් ඔවුන්ට අවශ්‍ය කිසිදු පහසුකමක් ලබාදීමට කැපවී නොමැති බවයි.
