මල්ලවපොර ක්‍රීඩා ඉසව්ව තුළින් ලංකාවට ජාත්‍යන්තර කීර්තියක් අත්කර දීමට සමත් වූ නෙත්මි අහිංසාට ආසන්න කාලය තුළ ක්‍රීඩා ඇමතිවරයා ලෙස කටයුතු කළ නාමල් රාජපක්ෂ ට්වීටර් පණිවිඩයක් තබා සුබ පැතුම් එකක්කර තිබීම ගැන බොහෝ පිරිසක් විරෝධය පළකරමින් සිටියි.
බර පන්ති දෙකක් නියෝජනය කරමින් වෙල්පැල්ල සංඝරතන මහා විද්‍යාලයේ දරුවන් දෙදෙනෙක් පොදු රාජ්‍ය මණ්ඩලීය ක්‍රීඩා තරඟාවලියට සුදුසුකම් ලබා තිබේ. මෙම සුදුසුකම් ලැබීම පිටුපස මෙම දරුවන්ගේ සහ ඔවුන්ගේ පුහුණුකරුගේ උත්සාහය සහ කැපවීම පමණක් තිබී ඇත. වාර්තා වෙන අන්දමට ඔවුන්ට පුහුණුවීමට පවා ස්ථානයක් තිබී නොමැත. යන්තමින් අටවගත් මඩුවක ඔවුන් පුහුණුවීම් සිදුකර තිබේ. පුහුණුකරු සුරංග කුමාර තමන්ගේ පෞද්ගලික මුදල් පවා වියදම් කරමින් මේ ක්‍රීඩිකාවන් වෙනුවෙන් වෙහෙස මහන්සි වී තිබේ. එසේම ක්‍රීඩිකාවන් සඳහා අවශ්‍ය අතිරේක පෝෂණ මිලදී ගැනීමට මුදල් නොමැති නෙත්මිලා ඇතැම් දිනවල ආහාර ලෙස ගත්තේ අල, බතල බවද ඔවුන්ගේ සමීපතමයන් පවසමින් සිටියි. එවැනි දුෂ්කර කොන්දේස් යටතේ පුහුණුවෙමින් ඔවුන් රට වෙනුවෙන් ජයග්‍රහණ ගෙන එමින් සිටියි.
එහිදී එම ජයග්‍රහණ වෙනුවෙන් කිසිදු මැදිහත්වීමක් නොකළ නාමල් රාජපක්ෂලා කිසිදු හිරිකිතයකින් තොරව නෙත්මිලාට සුබ පතමින් සිටියි.
