සමාජ මාධ්‍ය ජාලය හරහා වෛරී ප්‍රකාශයක් සිදුකල චෝදනාව මත පුද්ගලයෙක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ගාල්ල කොටුව ප්‍රදේශයේ පදිංචි 28 හැවිරිදි පුද්ගලයෙක්.
“ඊළඟ 09 වෙනිදා රට පුරා කැරැල්ලක් මෙහෙය වෙනවා. පොලිස් , ආමි පවුල් පිටින් තැන් තැන්වල, පාරවල්වල, බල්ලෝ වගේ ඉවරකරලා දාන තැනට. යාපනේ උන්ට මං දන්න දෙමළෙන් ටෝක් කරලා කෝච්චි 02 ක් පිරෙන්න මිනිස්සු ගෙන්නුවා. තනි මං එහෙම කළා නම් රටේම මිනිස්සු එකතු වුණානම් මොනවා කරන්න බැරිද”
යන ප්‍රකාශය හා,
” කාකි බල්ලොයි කැමා පිංපියොයි රනිල්ට කියලා කපාගෙන ෆයර් “
යන ප්‍රකාශ දෙක (Comments) සම්බන්ධයෙන් මෙම පුද්ගලයා අත්අඩංගුවට ගත් බව පොලීසිය නිවේදනය කරනවා.
ඒ අනුව මෙම පුද්ගලයා පසුගිය 18 වනදා ප්‍රකාශයට පත්කරන ලද හදිසි නීති රෙගුලාසි අනුව පරිඝණක අපරාධ පරීක්ෂණ දෙපාර්තමේන්තුවේ අපරාධ විමර්ශන කොට්ඨාශය මගින් අත්අඩංගුවට ගෙන තිබෙනවා.
අත්අඩංගුවට ගත් ඔහු ඊයේ (25) ගාල්ල මහේස්ත්‍රාත් අධිකරණයට ඉදිරිපත් කිරීමෙන් අනතුරුව අගෝස්තු මස 08 වනදා දක්වා රක්ෂිත බන්ධනාගාර ගත කිරීමට මහේස්ත්‍රාත්වරයා නියෝග ගර තිබෙනවා.
මෙම ප්‍රකාශයට සහය පළකළ තවත් සැකකරුවන් අත්අඩංගුවට ගැනීමට මේ වන විටත් දකුණු පළාත් පරිඝණක අපරාධ විමර්ශන කොට්ඨාශය කටයුතු කරමින් සිටින බව පොලීසිය නිවේදනය කරනවා.
