ජනලේඛන හා සංඛ්‍යාලේඛන දෙපාර්තමේන්තුවට අනුව, කොළඹ පාරිභෝගික මිල දර්ශකය (CCPI) මගින් මනිනු ලබන ශ්‍රී ලංකාවේ උද්ධමනය, සැප්තැම්බර් මාසයේ පැවති 8.0%ක අගයේ සිට ඔක්තෝබර් මාසයේදී 8.3% දක්වා ඉහළ ගොස් ඇත.
එම දෙපාර්තමේන්තුව නිකුත් කළ නවතම දත්තවලට අනුව, ආහාර කාණ්ඩයට අදාළ උද්ධමනය 8.8% දක්වා ඉහළ ගොස් තිබේ.
මේ අතර, ආහාර නොවන කාණ්ඩයට අදාළ උද්ධමනය ද ඉහළ ගොස් ඇති අතර, එම මාසය තුළ එය 8.0%ක මට්ටමකට ළඟා විය.
අද මධ්‍යම රාත්‍රියේ සිට බේකරි නිෂ්පාදනවල මිලද රුපියල් 5න් ඉහළ දැමීමට නියමිතය.
පසුගියදා ලෝක බැංකුව නිකුත්කළ වර්තාවක දැක්වුණේ දිළිඳුකම තවදුරටත් ඉහළ යද්දී ලාංකික පවුල්වලින් 75%කට වැඩි ප්‍රමාණයක් ජීවන වියදම් පියවා ගැනීමට දැඩි අරගලයක නිරතවෙන බවයි.
“2026 වන විටත් ශ්‍රී ලාංකිකයන්ගෙන් පහෙන් දෙපංගුවක්ම (40%ක්) දිළිඳු භාවයෙන් පෙළෙන අතර නැතහොත් දිළිඳුකමට ඇද වැටීමේ අවදානමකට ලක්ව සිටිති,” යනුවෙන් එම වාර්තාවේ සඳහන් වේ.
ආණ්ඩුව මේ ජීවන වියදම සම්බන්ධ ඇතිව තිබෙන ගැටලු විසඳීම පසෙක තබා තවදුරටත් ජනතාවගේ ප්‍රජාන්ත්‍රවාදී අයිතිවාසිකම් අකුලන්නේ කෙසේද යන්න ගැන අවධානය යොමුකරමින් සිටියි.
