ජනතා මුදල්වලින් වැටුප් ලබන පුද්ගලයන් ලබන වැටුපට සරිලන සේවයක් සිදු නොකළහොත් ගෙම්බන්, කපුටන් වී ඉපදෙන බව සංචාරක අමාත්ය ප්රසන්න රණතුංග පවසයි.
ඒ, රාජ්ය සේවයට බඳවා ගත් උපාධිධාරීන්ට පත්වීම් ලිපි ප්රදානය කිරීම සඳහා මිනුවන්ගොඩ ප්රදේශයේදී පැවති උත්සවයක් අමතමින්.
ලබන වැටුපට සාධාරණය ඉටු කිරීම ඔවුන්ගේ වගකීමක් බවයි අමාත්යවරයා පවසන්නේ.
එහිදී වැඩිදුරටත් අදහස් දැක්වූ අමාත්යවරයා,
“දේශපාලනඥයන්ද ඇතුළු රජයේ නිළධාරින් වැටුප් හා දිමනා ලබන්නේ ජනතා මුදලින්. ජනතා මුදලින් අපි ලබන වැටුපට අපි සාධාරණය ඉටු කළ යුතුයි. ජනතා මුදලින් වැටුප් හා දිමනා ලබන අය ඊට සරිලන ලෙස සේවය ඉටු කළේ නැත්නම් ඔවුන් ඊළග ආත්මයේ උපදින්නේ කපුටෝ, ගෙම්බෝ වෙලා. මේක මගේ තාත්තා මට කියලා දුන්නු දෙයක්. අද මම මේ ඇමති කෙනෙක් විදිහට මේ වරප්රසාද ලබන්නේ ජනතාවගේ මුදල්වලින්.
