වර්ණභේදවාදයට එරෙහි අරගලයේ සංකේතයක් වූ සහ පසුව සංහිඳියාවේ ප්‍රවර්ධකයා බවට පත් වූ දකුණු අප්‍රිකානු අගරදගුරු ඩෙස්මන්ඩ් ටුටූ මිය ගිය බව නිවේදනය කරමින්, ජනාධිපති සිරිල් රමෆෝසා, රටේ ඉතිහාසයේ අත්‍යවශ්‍ය චරිතයක් අද අභාවප්‍රාප්ත වීම ගැන “සියලු දකුණු අප්‍රිකානුවන් වෙනුවෙන්, කණගාටුව” ප්‍රකාශ කර තිබේ .
ඩෙස්මන්ඩ් ටුටූ මිය යනවිට 90 හැවිරිදි වියේ පසු විය . ඔහු වර්ගවාදී පාලනයට එරෙහි අවිහිංසාවාදී අරගලයේ සංකේතයක් ලෙස 1984 නොබෙල් සාම ත්‍යාගය දිනා ගත්තේය. වර්ණභේදවාදය අවසන් වීමෙන් පසු, නව දකුණු අප්‍රිකාවේ ජනාධිපති ලෙස නෙල්සන් මැන්ඩෙලා තේරී පත් වූ පසු, ටුටු 1995 දී නිර්මාණය කරන ලද සත්‍යය සහ සංහිඳියාව සඳහා වූ කොමිසමේ (TRC) සභාපතිත්වය දැරූ අතර, එය දෙපාර්ශවය අතර වේදනාකාරී හා ගැටුම්කාරී ක්‍රියාවලියක් තුළ සාමකාමී මාවතක් නිර්මාණය කරන්නට වෙර දැරිය .
