facebook සමාගම තම මව් සමාගමේ නම ‘මෙටා’ ලෙස වෙනස් කර තිබේ.
‘මෙටා’ යන නව සන්නාමයෙන් තම මවු සමාගම මින් ඉදිරියට හැඳින්වුවත්, facebook සමාජ මාධ්‍යයේ නම එලෙසින්ම පවතිනු ඇති බව ද මාර්ක් සකර්බර්ග් පැවැසීය.
‘facebook’ මවු සමාගමට ‘facebook’ ඇතුළු තවත් සමාජ මාධ්‍ය ජාලා කීපයක් අයත් වෙයි. ඒවා මාර්ක් සකර්බර්ග් විසින් මිලදී ගෙන ෆේස්බුක් ජාලයට සම්බන්ධ කර ඇත. එම සමාජ මාධ්‍ය ජාලා වන්නේ ‘මැසෙන්ජර්’, ‘වට්ස්ඇප්’, ‘ඉන්ස්ටග්‍රෑම්’ ආදියයි. ඊට අමතරව ‘වර්චුවල් රියැලටි’ තාක්ෂණ මෙවලම් ද ඊට අයත් වෙයි. මින් ඉදිරියට මේ සියල්ල පොදුවේ හැඳින්වෙනු ඇත්තේ ‘මෙටා’ යනුවෙනි.
‘වර්චුවල් රියැලටි’ තාක්ෂණ ‘මෙටා’ සමාගමට ඇතුළත් කෙරෙන්නේ සකර්බර්ග් විසින් මිලදී ගනු ලැබ ඇති ‘ඔකලස්’ සමාගම හරහාය. මෙමගින් ත්‍රිමාණ තාක්ෂණයෙන් පරිගණක ක්‍රීඩාවලට සම්බන්ධ වීමට හැකියාව ලැබෙනු ඇතැයි ද පැවැසෙයි.
