ලෝකයෙන් තුරන් වී ඇති බවට ලෝක රතු දත්ත නාමාවලියේ පවා සඳහන්ව තිබූ ශ්රී ලංකාවට ආවේණික Crudia zeylanica ශාකයක් මධ්යම අධිවේගී මාර්ගයට ඉදිවෙන භූමියේ තිබී හමුවී අධිවේගී මාර්ගයට බිලි වීමට ආසන්නව තිබියදී දේවානි ඇතුළු පරිසරවේදීන්ගේ මැදිහත්වීම මත එයා ආරක්ෂා කරගැනීමට හැකි විය . මෙම ශාකය සොයා ගනු ලැබුවේ මධ්යම අධිවේගී මාර්ගයේ කඩවත සිට මීරිගම දක්වා දිවෙන කොටස අතර තිබිය. මෙය පිහිටා ඇත්තේ ගම්පහ, දාරළුව දුම්රිය ස්ථානය ආසන්නයේ යි.
කෙසේ වෙතත් මේ සම්බන්ධයෙන් පසුගියදා නැවතත් කතාබහ ඇති විය. මේ පඬු කරද ශාකය පිළිබඳව කතාබහ මතුවන්නේ පසුගියදා එළි දක්වන ලද 2020 රතු දත්ත ලේඛනය එළිදක්වන අවස්ථාවේ දී තවදුරටත් මෙම ශාකය වඳ වීමේ තර්ජනයකට ලක් වී ඇති ශාකයක් නොවන බව සඳහන්වී තිබෙන බව ප්රකාශයට පත් කිරීමත් සමඟයි.
විශේෂයෙන්ම මේ සඳහා මාධ්ය විසින් ප්රචාරයක් ලබාදීම හරහා ජනතාව නොමඟ යැවීම සිදු වෙන බව පරිසරවේදී සජීව චාමිකර අන්තර්ජාලයට විඩියෝ පටයක් නිකුත් කරමින් ප්රකාශ කර තියෙනවා. මෙම වැරදි තොරතුරු සමාජගත කිරීම තුළින් පසුගිය කාලය පුරාවට මෙම ශාකය ආරක්ෂා කර ගැනීම සඳහා ගෙන ගිය අරගලය දියාරු වී යන බවත් මෙය වැරදි තොරතුරු සමාජගත කිරීමට දරන උත්සාහයක් බවත් ඔහු ප්රකාශ කරනවා.
