ඉතාලි අධිකරණ ව්‍යුහය සම්බන්ධ ව්‍යවස්ථාමය ප‍්‍රතිසංස්කරණයක් සිදුකර ගැනීම සඳහායි මාර්තු 22- 23 යන දෙදින තුළ පැවතී ජනමත විචාරණයෙන් ඉතාලි අගමැතිණි ජෝර්ජියා මෙලෝනිගේ ආණ්ඩුවේ වුවමනාව පරාජයට පත් වී තිබේ . ඉතාලියේ ව්‍යවස්ථාවට අනුව පවතින නීතියට යම් සංශෝධනයක් ගෙන එන්නේ නම් එය පාර්ලිමේන්තු බහුතරයකින් සම්මත වීම පමණක් ප්‍රමාණවත් නොවේ. අවස්ථාවක දී එය අනිවාර්යයෙන්ම ජනමත විචාරණයකට ලක් කළ යුතුය . නුව ඉහත ව්‍යවස්ථාමය සංශෝධනය පාර්ලිමේන්තුවේ සම්මත වුණත් ජනමත විචාරණයකට ලක් කිරීමට ආණ්ඩුවට සිදු විය . ඒ අනුව පැවති ජනමත විචාරණයෙන්  අධිකරණ ව්‍යුහය වෙනස් කිරීමේ සංශෝධනයක් එපා (NO) කියා ‍ ප්‍රකාශිත ඡන්ද සංඛ්‍යාවෙන් 53,9% ක් හිමි වී තිබේ .සංශෝධනයට පක්ෂව ( SI ) ඡන්දය ප්‍රකාශ කර තිබෙන්නේ 46,1% කි .

මෙම ජනමත විචාරණයේ දී ඡන්ද අයිතිය හිමි ඡන්දදායකයන්ගෙන් 58.91% ක් ඡන්දය ප්‍රකාශ කිරීම විශේෂත්වයකි. 

ඉතාලියේ පවත්වනු ලබන යම් ජනමත විචාරණයක ප්‍රකාශිත අරමුණ පරාජයට පත්වුණා ද එහෙමත් නැත්නම් ජයග්‍රහණය කළාද  කියා සලකා බලන්නේ ඡන්දය ප්‍රකාශ කිරීමට හිමිකම් තිබෙන ප්‍රමාණයෙන් 50 % ඉක්මවා ගිය ප්‍රමාණයක් ඡන්දය පාවිච්චි කිරීම සඳහා පැමිණියහොත් පමණයි . ඒ අනුව 2022 – 2025 වසර දෙකේ පැවති ජනමත විචාරණ ඡන්දදායකයන් ඡන්ද පොළට නොපැමිණීම හේතුවෙන් නොසලකා හැරී ජනමත විචාරණ ලෙස ඉතිහාසයට එක්වුණා.