රත්නපුර දිස්ත්‍රික්කයේ කලවාන ප්‍රාදේශීය ලේකම් කොට්ඨාශයට අයත් දොලේකන්ඳ ග්‍රාම නිලධාරී වසමේ සිංහරාජ, බෝටියතැන්න ප්‍රදේශයේ ප්‍රධාන වන පිවිසුමේ හා අලි මංකඩේ පිහිටි සන්නන්දොළ මායිමේ සරත් මාකාවිටට අයත් ඉඩමේ නීති විරෝධී යාන්ත්‍රික මැණික් පතල් කැණීමේ ව්‍යාපෘතියේ ප්‍රධාන මෙහෙයුම්කරු හා සම්බන්ධීකාරක ලෙස කටයුතු කරන්නේ රක්වානේ සුනන්ද දීපාල් නම් ව්‍යපාරිකයකු ය. ඔහු ජාතික ජන බලවේගය බලයට ගෙන ඒමට සහ බුද්ධශාසන, ආගමික හා සංස්කෘතික කටයුතු අමාත්‍ය, ආචාර්ය හිනිදුම සුනිල් සෙනෙවි පාර්ලිමේන්තුවට යැවීම සඳහා ක්‍රියාකාරීව කටයුතු කළ අයෙකි. ඔහු මෙම දේශපාලන සම්බන්ධතා හා මුදල් බලය භාවිත කරමින් ජාතික මැණික් හා ස්වර්ණාභරණ අධිකාරිය මෙහෙයවීම සිදු කරන අතර පොලීසිය ඇතුළු රාජ්‍ය ආයතන ගණනාවකට බලපෑම් කරමින් නීති විරෝධී කැණීම් කටයුතු සිදු කරනු ලැබේ. ජාතික මැණික් හා ස්වර්ණාභරණ අධිකාරියේ නිලධාරීන් මෙම යාන්ත්‍රික මැණික් පතල් කැණීම් භූමිය පරීක්ෂා කර බැලීම සඳහා කිසිදු රාජ්‍ය ආයතනයක නිලධාරීන්ට ඇතුළු වීමට අවස්ථාව ලබා නොදෙන අතර බැකෝ යන්ත්‍ර භාවිත කරමින් සිදු කරන නීති විරෝධී ක්‍රියා සඳහා සහය ලබා දෙන්නේ විශාල මුදලක් අල්ලස් වශයෙන් ලබා ගැනීමේ ප්‍රතිඵලයක් ලෙස ය.
සිංහරාජ පිවිසුමේ යාන්ත්‍රික මැණික් පතල් කැණීමට මැණික් හා ස්වර්ණාභරණ අධිකාරියේ සහය
