මන්නාරම දිස්ත්රික් මහ රෝහලේ හදිසි අනතුරු සහ හදිසි ප්රතිකාර ඒකකය සඳහා වන ගොඩනැගිල්ලේ ඉදිකිරීම් මෙන්ම වෛද්ය උපකරණ සැපයීම වෙනුවෙන් ඉන්දියා රජය සහ ශ්රී ලංකා රජය අතර අවබෝධතා ගිවිසුම අත්සන් කර තිබේ.
ඒ සෞඛ්ය හා ජනමාධ්ය අමාත්යාංශයේ දී ඊයේ (9) සිදු කර තිබුණි.
දෙරට අතර ද්විපාර්ශ්වික සබඳතා තවදුරටත් ශක්තිමත් කිරීම සනිටුහන් කරමින් සෞඛ්ය හා ජනමාධ්ය අමාත්ය වෛද්ය නලින්ද ජයතිස්සගේ සහ ශ්රී ලංකාවේ ඉන්දීය මහ කොමසාරිස් සන්තුෂ් ජාගේ ප්රධානත්වයෙන් එම කටයුතු සිදුවුවා.
අවබෝධතා ගිවිසුමට අනුව ඉන්දීය රජය මෙම ව්යාපෘතියට අදාළව වැය කිරීමට නියමිත ව්යාපෘති ඇස්තමේන්තු ගත මුදල රුපියල් මිලියන 600 ක් වන අතර, ව්යාපෘති කාලසීමාව වසර 03 ක්.
මන්නාරම දිස්ත්රික් මහ රෝහලේ හදිසි අනතුරු සහ හදිසි ප්රතිකාර ඒකකය ඉදිකිරීම් සහ වෛද්ය උපකරණ සැපයීම සඳහා ශ්රී ලංකා රජයෙන් කරන ලද ඉල්ලීමකට ප්රතිචාර වශයෙන් මෙම ව්යාපෘතියට දායකත්වය දැක්වීමට ඉන්දීය රජය කටයුතු කර තිබෙන බව රජය පවසයි.
ඕස්ට්රේලියානු සහ ඉන්දියානු සමාගම් විසින් වැලි කැණීම් ව්යාපෘති නවත්වන බවට ශ්රී ලංකා ජනාධිපතිවරයා මන්නාරම දූපතේ ජනතාවට පොරොන්දු වී ඇති අවස්ථාවක මෙම ප්රධානය ලබාදීම සම්බන්ධයෙන් බොහෝ දෙනෙකුගේ අවධානය යොමුව තිබේ.
