චන්දෙන් පත්වෙන ආණ්ඩුවකට ගැහුවාම ඒක ආණ්ඩුව මර්දනය කරනවා. ඒක මිනීමැරුමකට අයිති වෙන්නේ නැහැ. එක මම නෙමෙයි කියන්නේ , ආණ්ඩුක්‍රම ව්‍යවස්ථාවේම තියෙනවා.
උදාහරණෙකට මෙතන ඉන්න කාගේ හරි ජීවිතේ නැතිවෙනවා කියන අවස්ථාවක් ආවොත් එහෙම ජීවිතේ නැති කරන්ඩ එන කෙනෙකුට ඔයා ගැහුවොත් ගහලා මැරුණොත් ඒක මිනිමැරුම් වරදක් නෙමෙයි. ඒකට කියන්නේ ආත්ම ආරක්ෂාව කියලා.
ඉහත ප්‍රකාශය සිදු කරන්නේ එක්සත් ජාතික පක්ෂයේ වජිර අබේවර්ධන. ආත්මාරක්ෂාවට මිනී මැරීම වරදක් නොවන බව ඔහු පවසන්නේ වවුනියාවේදී . 87-88 කාලයේ පවත්වාගෙන ගිය බටලන්ද වධකාගාරය සම්බන්ධයෙන් නැගුණු පැනයකට පිළිතුරු සපයමින්.
වජිර අබේවර්ධනගේ මේ මුග්ධ අදහසට ප්‍රතිචාර දක්වන නීතිඥ නුවන් බෝපගේ ප්‍රකාශ කරන්නේ මෙවන් අදහසක් .
රනිල් වික්‍රමසිංහ වෙනත් කෙනෙකුට සාපරාදී ක්‍රියාවක් වෙන එක වළක්වා ගැනීමට නම් මේක කළේ අපට මතුවෙන ගැටලුව තමයි ඒ කවුරු වෙනුවෙන්ද කියන එක.
වජිර අබේවර්ධන හරි රනිල් වික්‍රමසිංහ හරි බටලන්දේ චෝදනා සම්බන්ධයෙන් ආත්ම ආරක්ෂාව සඳහා අයිතියක් ගන්නවනම් ඔවුන් පැහැදිලි කරන්න ඕනා , මුලින්ම ඔවුන් පිළිගන්න ඕනා බටලන්දේ රඳවා තබාගෙන වද දීලා ඝාතනය ඔවුන් විසින් කරා කියලා. ඔවුන් විසින් ඒවා කළා නම් තමයි අංක එකට ඔවුන්ට ආත්ම ආරක්ෂාවේ අයිතිය ගන්න වෙන්නේ.
ඔවුන් විසින් තරුණ තරුණියන්ට, විජයදාස ලියනාරච්චිලාට පහර දීලා දසවද දීලා ඝාතනය කිරීම හරහා වලක්වා ගන්න ගිය අපරාධය මොකක්ද ? ඒ අයගෙන් සමාජයට තිබුණු අවැඩ මොකක්ද? ඔවුන්ගෙන් සමාජයට වෙන්න ගිය සාපරාධි හානිය මොකක්ද? මේවට ඔවුන් පැහැදිලි පිළිතුරු දෙන්න ඕනා.
මම හිතන්නේ වජිර අබේවර්ධන රනිල්ගේ උපදෙස් මත කියන්න උත්සාහ කරනවා නම් බටලන්ද පවත්වාගෙන ගියේ ආත්මාරක්ෂාවේ අයිතියෙන් කියලා ඔවුන්ට පිළිගන්න වෙනවා තරුණ තරුණියන්ට, නීතිඥවරුන්ට, මාධ්‍යවේදීන්ට, දස වද දීලා මරණයට පත් කළා කියලා.
ඒ නිසා මේ ප්‍රකාශය තුළින් නැවත නැවතත් ඔවුන් වරදකරුවන් කියන එක සනාථ වෙනවා.
නුවන් බෝපගේ මේ අදහස් ප්‍රකාශ කිරීම සිද්ධ කරන්නේ සිරස මාධ්‍ය ජාලය වෙතයි.
වජිර අබේවර්ධනගේ ඉහත ප්‍රකාශය හරහා සනාථ වන්නේ බටලන්ද වධකාගාරය තිබුණු බවත්, ඒ සඳහා නායකත්වය දුන් දේශපාලන බලඇණියේ රනිල් වික්‍රමසිංහ ස්ථානගත වී සිටි බවත් ය.
එපමණක්ද නොව ආත්මාරක්ෂාවට පහරදීම සහ පහරදී මිය යෑම මිනිමැරුම් චෝදනාවක් නොවන බව කියමින් රනිල් වික්‍රමසිංහ මේ වරදය වැරදිකරුවෙකු නොවන බව සමාජගත කරන්නට ඔහු උත්සාහ කරන බවද පැහැදිලිවම ඔප්පු වෙනවා.
එහිදී වැඩිදුරටත් ඔහු ප්‍රකාශ කර සිටින්නේ කොමිෂන් සභා වාර්තාව තුළ රනිල් වික්‍රමසිංහගේ නම නොමැති බවයි. එනිසා රනිල්ට කිසි ප්‍රශ්නයක් නැති බව තමයි ඔහු කියන්නේ.
එසේ නම් බටලන්ද පවත්වාගෙන ගියේ ආත්මාරක්ෂාව සඳහා යැයි පවසන්නට මේ තරම් උවමනාවක් මතුවන්නේ කොතනින්ද?
