ගෝලීය වශයෙන් සහ දේශීය වශයෙන් ආර්ථික ක්ෂේත්‍රයට කාන්තාවන් වැඩිපුර සහභාගී කරගත යුතු බව අගමැතිනි හරිනි අමරසූරිය පවසා තිබේ. එහිදී ඇය ප්‍රධාන ලෙස සඳහන් කරන්නේ ශ්‍රම බලකාය තුළ කාන්තා සහභාගිත්වයේ පංගුව අඩුවීම ගැනයි.
අගමැතිවරිය මේ බව පවසා ඇත්තේ මූල්‍ය සහ ආර්ථික සංවර්ධන අමාත්‍යංශයේ පැවති උත්සවයකදීයි.
මේ දිනවල රැකියා විරහිත උපාධිධාරීන් පාර්ලිමේන්තු වටරවුම අසළ වාඩිලා ගනිමින් ඉල්ලා සිටින්නේ තමන්ට රැකියා ලබාදෙන ලෙසයි. එනම් මේ අගමැතිවරිය පවසන පරිදි ආර්ථික ක්ෂේත්‍රයට දායකත්වය දැක්වීම සඳහා ශ්‍රම බලකායට එකතු කරගන්නා ලෙසයි. එම ස්ථානයේ සිටින බහුතරය කාන්තාවන් වේ.
එපමණක් නොව මැතිවරණයට පෙර මෙම උපාධිධාරීන් කැඳවා සමුළු පවත්වා ඔවුන්ට රැකියා ලබාදෙන බවට ජාතික ජන බලවේගය පොරොන්දු ලබාදී තිබේ.එපමණක් නොව මාලිමා ප්‍රතිපත්ති ප්‍රකාශයේ සඳහන් වන්නේ 35000ට රැකියා ලබාදෙන බවයි.
එපමණක් නොව විරෝධතාවයේ නිරත උපාධිධාරීන් පවසන්නේ ගුරු සේවය තුළ පමණක් 40000ක පුරප්පාඩුවක් පවතින බවයි.
එසේ තිබියදී ආණ්ඩුව කරන්නේ ප්‍රතිපත්ති ක්‍රියාත්මක කිරීමේදී එකක් සහ කතාවලදී තව එකක් කීමයි.
