ආර්ථික පරිවර්තන පනත සංශෝධන සහිතව ක්‍රියාත්මක කිරීමට කටයුතු කරන බව ජනාධිපති අනුර කුමාර දිසානායක පවසා තිබේ.
ජනාධිපතිවරයා මේ බව සඳහන් කළේ, අද (28) පස්වරුවේ කොළඹ පැවති “ශ්‍රී ලංකා ආර්ථික සමුළුව 2025” අමතමිනි.
ලංකා වාණිජ මණ්ඩලය මගින් මෙම සමුළුව සංවිධානය කර තිබුණි.
ආර්ථික පරිවර්තන පනත හරහා ජාත්‍යන්තර මූල්‍ය අරමුදලේ කොන්දේසි රට තුළ නීතියක් බවට පත්වන බැවිනි එයට එරෙහි වන ලෙස බොහෝ ප්‍රගතිශීලී සංවිධාන ඉල්ලා සිටින ලදී. එපමණක් නොව බොහෝ සංවිධාන මෙමෙ පනතට විරුද්ධව අධිකරණය වෙත ගිය අතර එම පිරිස අතර ජාතික ජනබලවේගය ද සිටි බව ජනතාවට අමතක නැත.
නමුත් අනුර කුමාර ජනාධිපතිවරයා බලයට පත්වූ විගස සුබ පැතුම් නිවේදනයක් නිකුත් කරමින් වාණිජ මණ්ඩලය ඉල්ලා සිටියේ ආර්ථික පරිවර්තන පනත ක්‍රියාත්මක කරන ලෙසයි.
ඒ අනුව එම මණ්ඩලය මගින් සංවිධාන කළ උත්සවයක දීම තමන් මැතිවරණයට පෙර දැරූ අදහස් වෙනස් කරමින් වාණිජ මණ්ඩලයේ බලාපොරොත්තු ඉටු කිරීමට අනුර කුමාර තීරණය කර තිබේ.
