පසුගිය මාස 6 ඇතුලත විදුලිබල මණ්ඩලය රුපියල් බිලියන 100ක ලාභයක් උපයල තියනවා. ඉතිහාසේ ආයතනයක් ලබපු විශාලම ලාභය. නමුත් ඒ ලාභයේ සහනය ජනතාවට දෙන්න ආණ්ඩුව සූදානම් නෑ. ආණ්ඩුව විදුලිබිල අඩු කිරීමේ යෝජනාව පස්සට දාලා. අද ලංකාවේ විදුලි සැපයුම කප්පාදු කරපු පවුල් ගණන ලක්ෂ 11ක්. ඒ පවුල්වල දරුවෝ පාඩම් කරන්නෙ කොහොමද ? ඒ ගෙවල්වල ආරක්ෂාවට මොක ද වෙන්නේ ? ඇයි අර උපයපු බිලියන 100ක ලාභයෙන් කොටසක් යොදවල ඒ මිනිස්සුන්ට විදුලිය දෙන්න බැරි ? මොකද ආණ්ඩුව සූදානම් නැහැ ජාත්යන්තර මූල්ය අරමුදලේ කොන්දේසි වලින් එලියට එන්න. මූල්ය අරමුදල තමයි කියන්නේ ආණ්ඩුවට විදුලිබිල අඩු කරන්න එපා කියලා.
ඉහත අනාවරණය කරනු ලැබුවේ දෙසැම්බර් 28 වන දා අනුරාධපුරයේ පැවැති ජන අරගල සන්ධානය මගින් සංවිධානය කළ “IMF මර උගුලෙන් එළියට ද ? ඇතුලට ද ? ” සම්මන්ත්රණයේ දී ජන අරගල සන්ධානයේ ජාතික විධායක සභික, පෙරටුගාමී සමාජවාදී පක්ෂයේ ප්රචාරක ලේකම් දුමින්ද නාගමුව.
