ජාතික ජන බලවේගය ආණ්ඩුවක් යටතේ රට ක්‍රියාත්මක වන්නේ ජාතික ප්‍රතිපත්තියක් අනුව බව අගමැතිනි හරිනි අමරසූරිය පවසනවා . මේ බව ඇය ප්‍රකාශ කර සිටියේ ගම්පහ පැවති කාන්තා ජන හමුවකට එක්වෙමින්.
එහිදී වැඩිදුරටත් අදහස් දැක්වූ අගමැතිනිය ප්‍රකාශ කර සිටියේ මින් ඉදිරියට පාර්ලිමේන්තුවට එන කිසිවෙකුට විශ්‍රාම වැටුප් නොලැබෙන බවයි. එමෙන්ම නිල නිවාස සහ දීමනා භුක්තියක් ලෙස ලබා නොදෙන බවත් වශ්‍යතාවයන් සලකා බලා ඒවා කරන බව ඇය කියා සිටිනවා. පාර්ලිමේන්තුව නියෝජනය කරන මැති ඇමතිවරුන්ට මින් ඉදිරියට තම පවුලේ උදවිය පුද්ගලික කාර්ය මණ්ඩලවලට බඳවා ගෙන රැකියා ලබාදෙන ක්‍රමවේදය ද වෙනස් කරන බවත් අනිවාර්යෙන්ම වංචාව හොරකම දූෂණය NPP ආණ්ඩුවක් යටතේ සිදුකිරීමට නොහැකි බව ඇය පෙන්වා දෙනවා.
ඔක්කොම දරා ගත්තත් බොහෝ පිරිසකට එය දරා ගැනීමට අපහසු බව ඇය කියා සිටියා .
