ජනාධිපතිවරණය පවත්වා අවසන් වන තෙක් දැනට කැබිනට් අනුමැතිය හිමිවී ඇති 22වන ආණ්ඩුක්‍රම ව්‍යවස්ථා සංශෝධනය ගැසට් කිරීමෙන් වළකින ලෙස අධිකරණ අමාත්‍ය, ආචාර්ය විජයදාස රාජපක්ෂ අධිකරණ අමාත්‍යාංශයේ ලේකම්වරයාට උපදෙස් ලබාදී තිබේ.
ඒ, ජනාධිපතිවරණය පැවැත්වීම සම්බන්ධයෙන් පවතින අවිනිශ්චිතතාව තුරන් කිරීමේ අරමුණින් බව අමාත්‍ය විජයදාස රාජපක්ෂ සඳහන් කරයි.
මේ අතර ඊයේ දිනයේදීම මහනුවරදී විශේෂ ප්‍රකාශයක් කරමින් විජේදාස රාජපක්ෂ පවසා තිබුනේ තමන්ට ජනාධිපතිවරණයට ඉදිරිපත් වී රට බේරාගන්නා ලෙසට මහා සංඝරත්නයෙන් දැනුම් දීමක් කළ බවයි.
තමන් සමග මුලු මහනුවර ශ්‍රීලනිප ආසන සංවිධායකවරුන්ම එක්ව සිටින බව ඔහු පවසා ඇත.
මේ වනවිට රටේ ආර්ථික දේශපාලන ක්ෂේත්‍රය ජාත්‍යන්තර මූල්‍ය අරමුදලේ වුවමනාවන්ට අනුව හැසිරවීම වෙනුවෙන් පනත් සංශෝධනය වෙනුවෙන් රනිල්ට සහය වෙමින් සිටින්නේ විජේදාස රාජපක්ෂයි.
නමුත් ඔහු එක විට රනිල්ට පක්ෂපාති මෙන්ම විරුද්ධ චරිත ද රඟපාමින් සිටියි. කෙසේවෙතත් මේ පිටුපස බලයට ඇති කෑදරකම නම් අනිවාර්යයෙන් පවතින බව බොහෝ පිරිසක් පවසමින් සිටියි.
