විදුලි බිල ගෙවීමට නොහැකි වීම නිසා විදුලි පාරිභෝගිකයන් දසලක්ෂ හැට හතරදහස් හාරසියයකගේ විදුලිය විසන්ධි කර ඇති බව විදුලි බල හා බලශක්ති ඇමති කාංචන විජේසේකර මහතා පවසනවා.
කාංචන විජේසේකර මහතා ඊයේ (09) පාර්ලිමේන්තුවේදී මේ බව සඳහන් කළා.
ඔහු මේ බව පවසා සිටියේ පාර්ලිමේන්තුවේදී විපක්ෂ නායක සජිත් ප්‍රේමදාස ඉදිරිපත් කළ ප්‍රශ්නයකට පිළිතුරු ලබා දෙමින්.
වැට් බදු වැඩිවීමටත් පෙර විදුලි බිල සියයට 400න් පමණ වැඩිවී තිබූ අතර දැන් තවත් වැඩිවීමේ අවදානමක් පවතියි. එයට හේතුව තෙල්, ගෑස් ඇතුළු අත්‍යවශ්‍ය දේවල්වල මිල වැඩිවීමයි. මෙම ප්‍රශ්නයට පිළිතුරු දීම වෙනුවට ආණ්ඩුව කරමින් සිටින්නේ විදුලි බිල අඩුකරන බවට බොරු පොරොන්දු ලබාදීමයි.
