ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්ට එරෙහිව නඩු ගණනාවක් විභාග වෙමින් තිබියදී වැඩබලන පොලිස්පතිවරයා ලෙස ඔහුව පත්කිරීම සම්බන්ධයෙන් ශ්රී ලංකාවේ ප්රමුඛ පෙළේ නීති උපදේශක කණ්ඩායමක් වන ‘නීතිඥ සාමූහිකය’ කනස්සල්ල පළකර තිබෙනවා.
හිටපු හමුදා සෙබළෙකුට වධහිංසා පැමිණවීම සම්බන්ධයෙන් ශ්රේෂ්ඨාධිකරණයේ නඩුවක් විභාග වෙමින් තිබියදී වැඩබලන පොලිස්පතිවරයා ලෙස දේශබන්දු තෙන්නකෝන් පත් කිරීමට ආණ්ඩුක්රම ව්යවස්ථා සභාව අනුමැතිය ලබාදුන්නේ කෙසේදැයි ශ්රී ලංකා නීතීඥ සංගමයේ හිටපු සභාපතිවරයාද වන ජනාධිපති නීතිඥ උපුල් ජයසූරිය විසින් විමසා සිටියා.
වැඩබලන පොලිස්පති තෙන්නකෝන් එම තනතුරට පත්කිරීමේදී ඔහුට නඩු කිහිපයක් තිබූ බවත්, ඔහුට තවදුරටත් මහජන විශ්වාසයක් නොමැති බවත්, පසුගියදා ශ්රේෂ්ඨාධිකරණය ලබාදුන් තීන්දුව සම්බන්ධයෙන් අදහස් දක්වමින් උපුල් ජයසූරිය මහතා ප්රකාශ කළා.
දේශබන්දු තෙන්නකෝන් ඇතුළු පිරිස වසර ගණනාවකට පෙර පුද්ගලයෙකුට වධහිංසා පැමිණවීමේ චෝදනාවට වරදකරුවන් වූ බැවින්, ඔවුන්ට එරෙහිව වධහිංසා පනත යටතේ චෝදනා ගොනුකිරීම නීතිපතිවරයාගේ වගකීම බවද ඔහු අවධාරණය කළා.
නීතීඥ එකමුතුව විසින් පසුගිය සෙනසුරාදා (16) කොළඹදී සංවිධානය කරන ලද ජනමාධ්ය සාකච්ඡාවකදී උපුල් ජයසූරිය මෙම අදහස් පළකළා.
