සෞඛ්ය අමාත්යංශයේ හිටපු ලේකම් ජනක චන්ද්රගුප්ත අපරාධ පරීක්ෂණ දෙපාර්තමේන්තුව මඟින් අත්අඩංගුවට ගෙන තිබෙනවා.
තත්ත්වයෙන් බාල හියුමන් ඉමියුනෝග්ලොබියුලීන් ඖෂධය ගෙන්වීම සම්බන්ධයෙන් ඔහුට චෝදනා එල්ල වී තිබුණා.
ඒ සම්බන්ධයෙන් ප්රකාශයක් ලබාදීම සඳහා චන්ද්රගුප්ත අද (18) උදෑසන අපරාධ පරීක්ෂණ දෙපාර්තමේන්තුව වෙත පැමිණි අතර එහිදී ඔහුව අත්අඩංගුවට ගැනීමට කටයුතු කර ඇති බවයි වාර්තා වෙන්නේ.
මෙම ඖෂධය ගෙන්වීම සම්බන්ධයෙන් හිටපු සෞඛ්ය ඇමැති කෙහෙළිය රඹුක්වැල්ලද වගකිව යුතු වෙනවා. මෙම ඖෂධය ඇතුළු තත්ත්වයෙන් බාල ඖෂධ බොහොමයක් ගෙන්වන ලද්දේ ඔහුගේ අනුමැතිය යටතේයි. ඒ සඳහා ඔහු ඇමතිවරයාට ඇති විශේෂ බලතලයක් වන හදිසි අවස්ථාවකදී ලියාපදිංචි නොකළ ඖෂධ ගෙන්වීමේ බලය පාවිච්චි තිබෙන බව මීට ඉහතදී හෙළිවිය.
