එකතු කළ අගය මත බද්ද සියයට 18 දක්වා ඉහළ නැංවීමට රාජ්‍ය මුදල් පිළිබඳ කාරක සභාව (COPF) අනුමැතිය ලබාදී ඇති බව වාර්තා වේ.
වෛද්‍ය උපකරණ, ගිලන්රථ, ළමුන් සඳහා අධි ප්‍රෝටීන් කෘෂි ආහාර සහ කෘෂිකාර්මික භාණ්ඩ වැට් බදු නිදහස් කිරීම ගැන නැවත සලකා බලන ලෙස පමණක් රඡයේ මුදල් පිළිබඳ කාරක සභාව මුදල් අමාත්‍යාංශයෙන් ඉල්ලා ඇතැයි පැවසේ.
කලින් නිදහස් කර තිබූ කෘෂිකාර්මික යන්ත්‍රෝපකරණ සහ රසායනික පොහොර ඇතුළු අනෙකුත් උපකරණ එම පනත් කෙටුම්පත යටතේ වැට් බද්දට යටත් කොට ඇත. කෘෂිකාර්මික බීජ, කෘෂිකාර්මික පැල, ඉස්සන් ආහාර සහ කුකුළු ආහාර හැර සත්ත්ව ආහාර වැට් බද්දෙන් නිදහස් කරන බව පැවසේ.
මේ අනුව, ගෘහස්ථ කෘෂිකාර්මාන්තයට හා ආහාර කර්මාන්තයට බලපාන කෘෂිකාර්මික උපකරණ සඳහා වැට් බදු ඇතුළත් කිරීම විශාල ගැටළුවක් ලෙස පවතියි.
එකතු කළ අගය මත බදු (සංශෝධන) පනත් කෙටුම්පත, 2018 අංක 35 දරන මුදල් පනත සංශෝධනය කිරීම සඳහා වන මුදල් පනත් කෙටුම්පත සහ 2012 අංක 12 දරන මුදල් පනත සහ අංක 2353/ ගැසට් පත්‍රයට අදාළ ආනයන අපනයන පාලන පනත සලකා බැලීම සඳහා පාර්ලිමේන්තු මන්ත්‍රී (ආචාර්ය) හර්ෂ ද සිල්වා ප්‍රධානත්වයෙන් පසුගියදා (28) පාර්ලිමේන්තුවේදී පැවති රාජ්‍ය මුදල් පිළිබඳ කාරක සභාවේදී ඉහත කී කරුණු සාකච්ඡාවට ගැනිණි.
තවද දියර කිරි සහ බිත්තර වැනි නිෂ්පාදන ද වැට් බද්දට යටත් වේ. කෙසේ වෙතත්, තිරිඟු, තිරිඟු පිටි හෝ පිටි කිරි, ඖෂධ නිෂ්පාදන හා ඖෂධ නිදහස් කරන බව මුදල් අමාත්‍යාංශය ප්‍රකාශ කර ඇත. ළමා මන්දපෝෂණය බහුලව පවතින පසුබිමක මෙවැනි තීරණ ගැනීම බරපතල ගැටලුවකි.
එමෙන්ම ගිලන්රථ සහ වෛද්‍ය උපකරණද වැට් බද්දට යටත් කර ඇත. වෛද්‍ය උපකරණ, ගිලන් රථ, පොහොර සහ අධි ප්‍රෝටීන් කෘෂි ආහාර සහ කෘෂිකාර්මික ද්‍රව්‍ය ලෙස වර්ගීකරණය කර ඇති ධාන්‍යවලින් ලබාගත් ආහාර නිෂ්පාදන සඳහා වැට් බදු එකතුවීමක් සිදුවේ.
එසේම වැට් බදු නිදහස් කිරීම් UBER සහ PickME ගාස්තුවලට බලපාන්නේ නැති බව රාජ්‍ය මූල්‍ය කමිටුව වැඩිදුරටත් අනාවරණය කර ඇත.
ආනයන සීමා කිරීම් හෝ බදු නොගෙවීම හේතුවෙන් රේගුවෙන් නිෂ්කාශනය නොකළ ශ්‍රී ලංකාවට ආනයනය කරන ලද මෝටර් රථ නිදහස් කිරීමට ප්‍රතිපාදන යෝජනා කරන 2018 අංක 35 දරන මුදල් පනත සහ 2012 අංක 12 දරන මුදල් පනත සංශෝධනය කිරීම සඳහා වූ මුදල් පනත් කෙටුම්පත ද රජයේ මුදල් පිළිබඳ කාරක සභාව විසින් විමසා බලන ලදී
කෙසේ වෙතත්, ආනයන අපනයන පාලන පනත යටතේ 2020 මැයි 22 දිනැති අංක 2176/19 දරන අති විශේෂ ගැසට් පත්‍රය මගින් මෝටර් රථ ආනයනය අත්හිටුවීමෙන් පසු ආනයනය කිරීම සහ LCs විවෘත කිරීම සම්බන්ධයෙන් පැන නගින කරුණු සැලකිල්ලට ගෙන, ආනයනය කරන ලද වාහන 119ක් රේගුවෙන් නිදහස් කිරීමට අදාළව ඇති ප්‍රතිපාදන පිළිබඳව වාර්තාවක් ඉදිරිපත් කරන ලෙස සභාපතිවරයා මුදල් අමාත්‍යාංශයට උපදෙස් දී ඇත.
