25 වැනි ආසියානු ශූරතා මලල ක්‍රීඩා ශූරතාවලිය 2023 ශ්‍රී ලංකාවට රන් පදක්කමක් ගෙන ඒමට නදීෂා රාමනායක සමත් වී තිබේ.
ඒ් අනුව ආසියානු ශූරතාවලියේ ඒකල රන් පදක්කමක් දිනූ 8 වැනි ශ්‍රී ලාංකිකයා බවට ඇය පත්විය.
කාන්තා මීටර 400 ධාවන ඉසව්ව නියෝජනය කළ නදීෂා එහි රන් පදක්කම හිමිකර ගත්තේ තත්පර 52යි දශම 6යි 1ක කාලයක් වාර්තා කරමිනි.
ශ්‍රී ලංකාව අවසන් වරට කාන්තා මීටර් 400 ඉසව්වේ රන් පදක්කම දිනා ගත්තේ 2000 වසරේ ආසියානු ශූරතාවලියේදී වත්මන් ශූරතා වාර්තාවට හිමිකම් කියන දමයන්ති දර්ශා විසිනි.
ඒ අනුව එය වසර 23කට පසුව ලැබූ රන් පදක්කමයි. මෙය පදක්කම මෙම තරගාවලියේ ශ්‍රී ලංකාව ලබා ගත් තෙවැනි පදක්කමයි.
