රෝසමල් කාමුකබවත්
නෙළුම්මල් පිවිතුරුබවත්
පවසති
අවමංගල්යය අධ්යක්ෂකවරු
අරලියා ශෝකජනකබවත්
ඇන්තූරියම් වැදගත්බවත්
පවසති
දෙගොල්ලෝම එකාවන්ව මැරුණු මල්
නැවත නැවතත් පුබුදුවති
මංගල්යය අධ්යක්ෂකවරු
මල් පොකුරු අත රඳවති
අවමංගල්යය අධ්යක්ෂකවරු
මල්වඩම් දෙනවටා සරසති
දෙගොල්ලම එකාවන්ව
මලින් සිත් වසඟයට ගනිති
මංගල්යය අධ්යක්ෂකවරු
සිනාසෙන්නැයි බලකරති
අවමංගල්යය අධ්යක්ෂකවරු
හඬා වැටෙන්නට පසුබිම සකසති
දෙගොල්ලොම එකාවන්ව
අනෙකාගේ සිතුවිලිවලට බලෙන් රිංගති
මංගල්යය අධ්යක්ෂකවරු
පෝරුවේ වස්දොස් අරිති
අවමංගල්යය අධ්යක්ෂකවරු
සුසානයේ දිග පළල මනිති
දෙගොල්ලම එකාවන්ව
අනෙකාගේ ජීවිතයේ නිලයන් අල්ලති
මංගල්යය අධ්යක්ෂකවරු
සුදුවතේ පිවිතුරුබව ආලේපන කරති
අවමංගල්යය අධ්යක්ෂකවරු
සුදුවතේ ශෝකය ආලේපන කරති
දෙගොල්ලෝම එකාවන්ව
කළු ඇඳන් සේවය සපයති
මංගල්යය අධ්යක්ෂකවරු
මතුපිටින් සිනාසෙමින්
ඇතුළතින් වැළපෙමින්
මිලගණන් කැඳවති
අවමංගල්යය අධ්යක්ෂකවරු
මතුපිටින් වැළපෙමින්
ඇතුළතින් සිනාසෙමින්
මිලගණන් කැඳවති
දෙගොල්ලොම එකාවන්ව
අනෙකාගේ ජීවිතයේ
මිල ගණන් තීරණය කරති .
