අධ්යාපන ඇමති සුසිල් ප්රේම ජයන්ත උනාට ඔහුට උඩින් සිට ක්රියාත්මක වන්නේ රනිල්ගේ සුප්රකට සුරතලෙකු වන අකිල විරාජ් කාරියවසම් බව අද පැවැති උද්ඝෝෂණයක් අතරතුර අන්තර් විශ්ව විද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ මාධ්ය වෙත ප්රකාශ කළා. සුසිල් ප්රේම ජයන්ත ශිෂ්යයන් සමග සාකච්ඡා කරමින් විවිධ ක්රියාමාර්ග අනුගමනය කරන බවට පොරොන්දු ලබාදුන්නත් ඒවා ක්රියාත්මක නොකර සුසිල්ට උඩින් ඉන්න අකිලගේ මර්දනය විශ්වවිද්යාල පද්ධතිය තුළට මුදා හැර ඇති බව වසන්ත පවසනවා.
විශ්වවිද්යාල පද්ධතිය සහ විශ්වවිද්යාල ශිෂ්යයා ඉලක්ක කරගනිමින් රනිල් රාජපක්ෂ ආණ්ඩුව දැවැන්ත මර්දනයක් මුදාහැර තිබෙන අතර ඊට විරෝධය දක්වන්න අද අන්තර් විශ්ව විද්යාල ශිෂ්ය බල මණ්ඩලය මේ විරෝධතාවය සංවිධානය කරනවා. විශේෂයෙන්ම කැලණිය කැලණිය විශ්වවිද්යාලයේ මහා ශිෂ්ය සංගමයේ සභාපති කැලුම් මුදලිගේ සහ සිව්වන වසර කණ්ඩායම් නායක දිල්ෂාන් හර්ෂණ දින අනූවකට වැඩි කාලයක් රක්ෂිත බන්ධනාගාර ගත කරන් ඉන්නවා.
මේ ශිෂ්ය නායකයන් මුදා හරින්න ට සහ විශ්වවිද්යාල තුළට මුදා හැර තිබෙන රාජ්ය මර්දනය හකුළා ගන්නට බල කෙරෙන උද්ඝෝෂණයට අදත් රනිල් රාජපක්ෂ මැර පොලිස් හමුදාව පහර දුන්නා.
