වසර 14ක කාලයක් පුරා ත්රස්තවාදය වැලැක්වීමේ පනත (PTA) යටතේ රඳවාගෙන සිටි දෙමළ දේශපාලන සිරකරුවන් තිදෙනෙකු ඊයේ දිනයේ (03) වවුනියාව මහාධිකරණය විසින් නිදොස් කොට නිදහස් කරනු ලැබුවා.
ඊ.තිරුවරුල් (45) සහ එම්.සුලක්ෂන් (34) යාපනයේ වේලනෙයි සහ කරවෙඩ්ඩි ප්රදේශවලින් 2009 වර්ෂයේදී අත්අඩංගුවට ගෙන ත්රස්තවාදය වැළැක්වීමේ පනත යටතේ රඳවා තබා ගත්තා. මුලතිව් මුල්ලියාවලෙයි ප්රදේශයේ පදිංචිකරුවෙකු වන සුලක්ෂන් සහ තිරුවරුල් සමඟ 2009 මැයි මාසයේදී කේ. දර්ශන් ද (33) අත්අඩංගුවට ගෙන රඳවා තබා ගන්නේ ‘රජයට එරෙහි කුමන්ත්රණ’ චෝදනා එල්ල කරමින්.
කෙසේ වෙතත්, මෙම චෝදනා සනාථ කිරීමට රජයට නොහැකි වූ බැවින්, වවුනියාව මහාධිකරණයේදී විනිසුරු එම්. ඉලංචෙජියන් විසින් මෙම තිදෙනාම නිදොස් කොට නිදහස් කළ බව මෙම දේශපාලන සිරකරුවන් තිදෙනා වෙනුවෙන් පෙනී සිටි ජ්යෙෂ්ඨ නීතිඥ ඇන්ටන් පුනේතනායගම් ප්රකාශ කළා.
අවුරුදු 14ක්…. ඔවුන්ගේ ජීවිතයේ නැවත නොලැබෙන දින 5100කට වැඩි කාලයක්. මේ සියල්ල අමානුෂික, කුරිරු ප්රචණ්ඩකාරී රාජ්යයක් අතේ ඇති නින්දිත නීතියක් නිසා. ත්රස්තවාදී නීතියකින් කිසිඳු යහපතක් සිදු නොවන බවත්, ඒවා පවතින්නේ රාජ්යය ආරක්ෂා කිරීමට සහ රාජ්ය ත්රස්තවාදය සාධාරණීකරණය කිරීමට පමණක් බව ඔප්පු කිරීමට අපට තවත් සාක්ෂි අවශ්ය ද?
