ආණ්ඩුව ජනතාව වෙත මර්දනය කැඳවන්න කැඳවන්න ජනතාව නැගී සිටින සිටින බව අන්තර් විශ්ව විද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ පවසයි. ඔහු පැවසුවේ වානේ තල්ලන්න තලන්න ශක්තිමත් වන්නා සේ ජනතාවත් මර්දනයට මුහුණ දෙමින් නැගී සිටින බවයි.
ඔහු මේ බව පැවසුවේ අද මර්දනයට එරෙහිව කොළඹ එක්සත් ජාතීන්ගේ කාර්යාලය ඉදිරිපිට පැවති විරෝධතාවය අවස්ථාවේ මාධ්ය වෙත අදහස් දක්වමිනි.
එසේම හමුදා මාධ්ය ප්රකාශකවරයා අන්තරේ විරෝධතාවයට පහරදීමට පැමිණි පිරිස ගැන නොදන්නවා නම් ටිරාන් අලස්ගෙන්, දේශබන්ධු තෙන්නකෝන්ගෙන් ඒ ගැන විමසන ලෙසද වසන්ත මුදලිගේ පවසයි. ඔහු පවසන්නේ විරෝධත්වයන්ට පහරදීමේ මෙහෙයුමක් ගෙනියන්නේ ඔවුන් බවයි.
වෘත්තීය සමිති, සිවිල් ක්රියාකාරීන් ඇතුලු පාර්ශව රැසක සහභාගිත්වයෙන් පැවති මෙම විරෝධතාවය කදුලු ගෑස් ඝාතනවලට, කුරුදු පොලු හමුදාවට, පාසල් දරුවන්ටත් කදුලු ගෑස් ගැසීමට, සරසවි තුලට පොලිස් කඩා පැනිමට එරෙහිව පවත්වන ලදී.
